ბათუმი შავი ზღვის მუსიკისა და ხელოვნების XIV საერთაშორისო ფესტივალს უმასპინძლებს

21-25 ნოემბერს ბათუმში კლასიკური მუსიკის კონცერტები, შემოქმედებითი შეხვედრები და საგანმანათლებლო ღონისძიებები გაიმართება.
ბათუმი შავი ზღვის მუსიკისა და ხელოვნების XIV საერთაშორისო ფესტივალი
ბათუმი შავი ზღვის მუსიკისა და ხელოვნების XIV საერთაშორისო ფესტივალი

2026 წლის 21-25 ნოემბერს ბათუმში შავი ზღვის მუსიკისა და ხელოვნების საერთაშორისო ფესტივალი გაიმართება. საქველმოქმედო ფონდი „ლირას“ ორგანიზებით ჩატარებული ღონისძიება წელს მეთოთხმეტედ უმასპინძლებს ქართველ და უცხოელ მუსიკოსებს, ახალგაზრდა ტალანტებსა და ხელოვნების მოყვარულებს.

წლების განმავლობაში ფესტივალი საქართველოს კულტურული ცხოვრების ერთ-ერთ მნიშვნელოვან მოვლენად ჩამოყალიბდა და საერთაშორისო აღიარება მოიპოვა. იგი UNESCO-ს უწყვეტი პატრონაჟით ტარდება და მიზნად ისახავს კლასიკური მუსიკის პოპულარიზაციას, ახალგაზრდა მუსიკოსების მხარდაჭერას, ქართული კულტურული მემკვიდრეობის წარმოჩენასა და საერთაშორისო კულტურული თანამშრომლობის გაღრმავებას.

ხუთდღიანი საფესტივალო პროგრამა დატვირთული იქნება საკონცერტო საღამოებით, შემოქმედებითი შეხვედრებითა და საგანმანათლებლო ღონისძიებებით. მსმენელის წინაშე წარდგებიან როგორც მსოფლიო დონის უცხოელი და ქართველი შემსრულებლები, ისე ქართული ფოლკლორის წარმომადგენლები. 

წლევანდელი ფესტივალის ერთ-ერთი მთავარი მიმართულება ახალგაზრდა მუსიკოსების პროფესიული განვითარება იქნება. პროგრამა საფორტეპიანო და სავიოლინო მასტერკლასებს ითვალისწინებს, რომლებშიც საქართველოს სხვადასხვა რეგიონიდან ჩამოსული ნიჭიერი ახალგაზრდები მიიღებენ მონაწილეობას. მათ შესაძლებლობა ექნებათ, საერთაშორისო გამოცდილების მქონე მუსიკოსებისგან მიიღონ ცოდნა, დახვეწონ საშემსრულებლო უნარები და გაიღრმაონ პროფესიული გამოცდილება.

ბათუმის შავი ზღვის მუსიკისა და ხელოვნების საერთაშორისო ფესტივალი 2013 წელს პიანისტმა ელისო ბოლქვაძემ დააფუძნა, რომელიც საერთაშორისო და სახელმწიფო პრემიების ლაურეატი, UNESCO-ს მშვიდობის არტისტი და საფრანგეთის საპატიო ლეგიონის ორდენის კავალერია. 

ფესტივალის ფუნდამენტური მისია კლასიკური მუსიკის პოპულარიზაცია, ქართული კულტურული მემკვიდრეობის საერთაშორისო ასპარეზზე წარმოჩენა და კულტურული თანამშრომლობის გაღრმავებაა. 

ბილეთების შეძენა შესაძლებელია ბმულზე.

Share
Tweet
Share
Share
Share

Leave a Reply

წინა სტატია

ცნობილი K-pop არტისტი TAEMIN თბილისში კონცერტს გამართავს

შემდეგი სტატია

ჰარი სტაილსმა თავის ახალ მუსიკალურ ვიდეოში გადაიღო წყვილი, რომელიც მის კონცერტზე დაინიშნა

შეიძლება დაგაინტერესოთ

wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი
სტუდია „ფანტასმაგორია“ ანიმაციური ფილმი - „ელენე დარიანი“

„ფანტასმაგორიას“ ანიმაციური ფილმი „ელენე დარიანი“ Arte Laguna Prize-ის მთავარი გამარჯვებულია

ფილმში მე-20 საუკუნის ეპოქის დამახასიათებელი ქართული მუსიკალური ნაწარმოებებია გამოყენებული, რომელიც ანიმაციის ემოციურ და პოეტურ ატმოსფეროს განსაზღვრავს.
მეტი
Dua Lipa - 2025 წლის 5 ოქტომბერი ლოს-ანჯელესი Christopher Polk/Billboard

დუა ლიპა, Tame Impala და SZA  Coachella 2027-ის მთავარი გამომსვლელები იქნებიან

Coachella 2027-ის ფესტივალზე მონაწილეობა უკვე დაადასტურეს არტისტებმა: Daddy Yankee, Madonna, ფიბი ბრიჯერსი, დონ ტოლივერი, ზარა ლარსონი, Weezer, Dom Dolla და სხვა მრავალმა არტისტმა.
მეტი
Naré - BOO! - საბავშვო ევროვიზია 2026 -ის გამარჯვებული

საბავშვო ევროვიზიის გამარჯვებული სომხეთი გახდა

სომხეთის წარმომადგენელმა Naré-მ საბავშვო ევროვიზია 2026 სიმღერით - BOO! მოიგო, საქართველოს წარმომადგენელი დავით ლომიძე კი მეხუთე ადგილზე გავიდა.
მეტი

Tbilisi Hip Hop Fest-ის გზავნილი: „ჰიპ-ჰოპს წესდება არ აქვს, კოდექსი აქვს“

ფესტივალი აუდიტორიას საკუთარ გაიდლაინს სთავაზობს, რომელიც მუსიკასთან ერთად პატივისცემას, ავთენტურობას, თანასწორობასა და ერთობას მოიცავს.
მეტი