რაიან გოსლინგის მუსიკალური პროექტი Dead Man’s Bones 17 წლის შემდეგ ახალი სინგლით დაბრუნდა

ჯგუფმა კომპოზიცია 26 ოქტომბერს ახალ მუსიკალურ ვიდეოსთან ერთად წარადგინა.
რაიან გოსლინგი Project Hail Mary-ს პრემიერაზე, ნიუ-იორკში. 2026 წლის 18 მარტი.
KRISTINA BUMPHREY/VARIETY

გასულ კვირას დაანონსებული დაბრუნების შემდეგ, რაიან გოსლინგისა და ზაკ შილდსის ჯგუფი Dead Man’s Bones ახალ კომპოზიციას – Lost in the Night-ს აქვეყნებს. ჯგუფმა სინგლი 26 ოქტომბერს ახალ მუსიკალურ ვიდეოსთან ერთად წარადგინა.

სინგლის ავტორები გოსლინგი და შილდსი არიან, ხოლო პროდიუსერის როლი ტიმ ანდერსონთან ერთად თავადვე მოირგეს.

შავ-თეთრ ვიდეოკლიპში ფილმ Hamnet-ის მსახიობი ნოა ჯუპი და სერიალ The Summer I Turned Pretty-ს ვარსკვლავი რეინ სპენსერი მონაწილეობენ. ისინი სასაფლაოდან გამოდიან და მთელი ღამის განმავლობაში ცეკვავენ, იცინიან და ერთმანეთს უყურებენ.

აღნიშნული სიმღერა დუეტისთვის პირველი ახალი ნამუშევარია ბოლო 17 წლის განმავლობაში. არტისტებმა დაბრუნება გასულ კვირას საშიში პოსტით დააანონსეს, მოლოდინი კი კიდევ უფრო გააძლიერა გოსლინგის მეუღლემ, მსახიობმა ევა მენდესმა, რომელმაც ბენდის თიზერი საკუთარ ინსტაგრამზე გააზიარა და დაწერა: „მან შეასრულა ჩემთვის მოცემული ეს დაპირება.“

რაიან გოსლინგის სადებიუტო სოლო ალბომი Angel With Tatooed Wings 2000 წელს გამოვიდა, რის შემდეგაც მან და შილდსმა ჯგუფი Dead Man’s Bones შექმნეს. მათ სადებიუტო ალბომში (რომელიც 2009 წელს გამოვიდა) საბავშვო გუნდის ბექ ვოკალიც ისმოდა. ვოკალის გარდა, ალბომში გოსლინგი პიანინოზე, გიტარაზე, სინთეზატორზე, პერკუსიაზე, ჩელოსა და ბას-გიტარაზე უკრავდა.

Share
Tweet
Share
Share
Share

Leave a Reply

წინა სტატია

ჰარი სტაილსმა თავის ახალ მუსიკალურ ვიდეოში გადაიღო წყვილი, რომელიც მის კონცერტზე დაინიშნა

შემდეგი სტატია

ჰარი სტაილსის ახალ Coming Up Roses-ის კლიპში ქართველი არტისტი სალომე დოლიძე მონაწილეობს

შეიძლება დაგაინტერესოთ

wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი

როგორ ჟღერდა 1998 წელი? თვალი გადავავლოთ წელს, რომელმაც პოპმუსიკა შეცვალა

ჰიპ-ჰოპის მზარდი გავლენიდან ბიჭების მუსიკალური ჯგუფების ბუმამდე – 1998 წელი მუსიკალური გარდაქმნების პერიოდი იყო, რომელმაც საფუძველი ჩაუყარა ახალი ათასწლეულის მუსიკალურ ჟღერადობას.
მეტი