ტეილორ სვიფტმა დაანონსებული ტურნე, სახელწოდებით – The Eras Tour დაიწყო. ეს ბოლო ხუთ წელში არტისტის პირველი საკონცერტო ტურნეა.
სვიფტმა ტური17 მარტს არიზონას შტატში, ქალაქ გლენდეილში მდებარე State Farm Stadium-ზე გამართული კონცერტით გახსნა. „ამაღამ ჩვენ თავგადასავალი გველის“ – მიმართა სვიფტმა აუდიტორიას.
კონცერტის ამსახველ ფოტოებში ნაჩვენებია შოუ, რომელზეც არტისტმა 44 სიმღერა შეასრულა. საკონცერტო პროგრამამ სვიფტის ყველა სტუდიურ ალბომში შემავალი კომპოზიციები გააერთიანა. კონცერტი გამორჩეული იყო სასცენო გაფორმებით და შოუს ვიზუალური ელემენტებით. შოუ სამ საათსა და 15 წუთს გრძელდებოდა. სცენაზე ტურში მონაწილე მუსიკოსები და მოცეკვავეები წარდგნენ, რომელთან ერთადაც სვიფტი ტურის ფარგლებში თანამშრომლობს. შოუს ათასობით მსმენელი ესწრებოდა.
კონცერტზე ბევრ ნაცნობ სიმღერასთან ერთად გაჟღერდა ისეთი კომპოზიციებიც, რომლებიც ტეილორ სვიფტმა სცენაზე ცოცხლად პირველად შეასრულა.
ნახეთ ფოტოები, რომლებიც ტეილორ სვიფტის საკონცერტო ტურნეს – The Eras Tour-ის ფარგლებში ჩატარებულ პირველ კონცერტს ასახავს:
