Მადონამ ინსტაგრამზე სტუდიაში გადაღებული ფოტო გამოაქვეყნა. ფოტოზე მასთან ერთად მუსიკალური პროდიუსერი მაქს მარტინია აღბეჭდილი. „როდესაც ეჭვები გაწუხებს, იმუშავე. ხმაურს და უარმყოფელ ხმებს არაფერი აჩერებს ისე, როგორც შემოქმედებით პროცესში ყოფნა“ – წერია ფოტოს აღწერაში.
მადონამ სტუდიური ალბომი, სახელწოდებით Madame X 2019 წელს გამოუშვა. 2022 წელს მან ასევე გამოსცა რემიქს ალბომი – Finally Enough Love.
When in Doubt go to Work ……….. Nothing shuts Down the Noise or the Naysayers More then being in the Creative Process !! ✍️🎼 🎧🎤🤍 #maxmartin pic.twitter.com/CoFDDDzd0w
— Madonna (@Madonna) March 20, 2023
მადონა წელს გლობალური ტურნესათვის ემზადება. Პოპ ვარსკვლავის მასშტაბური საზეიმო ტურნე, რომელიც 15 ივლისს დაიწყება და პირველ დეკემბრამდე გაგრძელდება, მომღერლის შემოქმედების 40-წლიან ისტორიას ეძღვნება.
თებერვალში მადონა სოციალური მედიის ყურადღების ცენტრში მოხვდა. 2023 წლის „გრემის მუსიკალურ დაჯილდოებაზე“ გამოჩენის შემდეგ იგი გადაჭარბებული პლასტიკური ქირურგიული ჩარევის გამო გააკრიტიკეს. მადონამ ამ კრიტიკას ინსტაგრამზე გამოქვეყნებული პოსტით უპასუხა. „კიდევ ერთხელ აღმოვჩნდი ეიჯიზმისა და მიზოგინიის მიზანში. Ეს არის სამყარო, რომელიც 45 წელს გადაცილებულ ქალებს ივიწყებს და მათ დასჯას საჭიროდ მიიჩნევს, თუ კი ეს ქალები კვლავაც შეუპოვრები, შრომისმოყვარეები და თავგადასავლების მაძიებლები არიან“ – აღნიშნა მადონამ.
მადონამ ყურადღება გაამახვილა იმაზე, რომ საკუთარი გარეგნობის გამო ბოდიში არასდროს მოუხდია და ამას არც მომავალში აპირებს.
