ფილმი Renfield კინოეკრანებზე 14 აპრილს გამოვა. რენფილდი კომედიური საშინელებათა ჟანრის ფილმის მთავარი გმირია, რომელსაც ნიკოლას ჰოლტი განასახიერებს. იგი 90 წლის განმავლობაში გრაფ დრაკულას მსახურად მუშაობს. დრაკულას როლს ფილმში ნიკოლას ქეიჯი ასრულებს. Მას შემდეგ კი, რაც რენფილდს პოლიციელი ქალი რებეკა ქუინსი შეუყვარდება, იგი გადაწყვეტს, რომ სასტიკი უფროსისგან თავი გაითავისუფლოს.
ახლახან გამოქვეყნდა ფილმის ტრეილერი, რომელსაც საუნდტრეკად რედიოჰედის 1993 წლის კლასიკა Creep გასდევს. სწორედ მისი ტექსტის ფონზე უხსნის რენფილდი რებეკას მის მდგომარეობას, სანამ მასა და დრაკულას შორის ბრძოლა დაიწყება.
ორი წლის წინ რედიოჰედმა Creep-ის რემიქსი – Very 2021 წარადგინა, რომელიც სიმღერის უფრო ნელი და მძიმე ვერსიაა. იაპონელმა დიზაინერმა ჯუნ ტაკაჰაშიმ კი ეს ვერსია თავის 2021 წლის შემოდგომის კოლექციის ჩვენებისას გამოიყენა.
ნახეთ Renfield-ის თიზერი სიმღერაზე Creep.
