პოპ ვარსკვლავი ჯასტინ ტიმბერლეიკი Louis Vuitton-ის ახალი კამპანიის სახეა. მოდის სახლმა კამპანია სახელწოდებით Creating Infinity იაპონელ სიურეალისტ არტისტთან, იაიოი კუსამასთან თანამშრომლობის ფარგლებში წარადგინა. ფოტოებში ტიმბერლეიკს აცვია კოსტიუმი, რომელიც კუსამას ნამუშევრებით შთაგონებული პრინტებით არის გაფორმებული. ამავე ფოტოებში, პოპ ვარსკვლავს ჩანთა უკავია, რომელის დიზაინიც იაპონელი არტისტის ხელწერისათვის დამახასიათებელი გოგრის გამოსახულებებით არის გაფორმებული.
Creating Infinity-ის კამპანიაში ამ დრომდე არაერთი ცნობილი ადამიანი გამოჩნდა. Მათ შორის: ქეით ბლანშეტი, ფრანგი მსახიობი ლეა სეიდუ, იაპონელი მსახიობი ჟოუ დონგიუ და Squid Games-ის ვარსკვლავი – ჰოეიონი. ყველა მათგანი ცნობილმა ფოტოგრაფმა, სტივენ მეიზელმა გადაიღო.
თებერვალში ჯასტინ ტიმბერლეიკმა სოციალური მედიის ყურადღება მიიპყრო. მან თავის ცოლს, ჯესიკა ბეილს 41 წლის იუბილე ინსტაგრამზე გამოქვეყნებული პოსტით მიულოცა. ჯასტინმა პოსტის აღწერაში აღნიშნა, რომ ჯესიკა ბეილი, როგორც პარტნიორი, მისი ცხოვრების ყველაზე დიდი ახდენილი ოცნებაა.
ნახეთ ედითორიალი, რომელშიც ჯასტინ ტიმბერლეიკი Louis Vuitton-ის ახალი კამპანიის ფარგლებში გადაიღეს:
იაიოი კუსამა/Louis Vuitton
