რეპერმა და ორი შვილის დედა ქარდი ბიმ ტვიტერზე ბავშვების გამტაცებლებზე ისაუბრა.
„ეს სამყარო სავსეა მტაცებლებით. ისინი უმწიკვლო ადამიანებზე ნადირობენ. Მათზე, ვისაც ნაკლები ინფორმაცია აქვს – ჩვენს შვილებზე. გამტაცებლები შეიძლება იყვნენ ჩვენი მეზობლები, სკოლის მასწავლებლები, თუნდაც ადამიანები ფულითა და ძალაუფლებით და ასევე ჩვენი ეკლესიები. მუდმივად ესაუბრეთ თქვენს შვილებს საზღვრების დაცვის აუცილებლობაზე და იმაზე, რისი უფლებაც სხვა ადამიანებს არ უნდა მისცენ.”
რეპერმა ასევე პასუხი გასცა გულშემატკივარს, რომელმაც დაწერა, რომ მისი დედა ჰიპერმზრუნველი იყო, მაგრამ ახლა მისი მადლობელია. „დიახ, არც სხვასთან ღამით დარჩენა და არაფერი!!!” – უპასუხა ქარდი ბიმ.
This world is full of predators. They prey on the innocent. The ones who are most unknowing, our children. Predators could be our neighbors, our school teachers, even people wit money ,power & our churches. Constantly talk with your kids about boundaries and what they shouldn’t…
— Cardi B (@iamcardib) April 10, 2023
Yeup….No sleep overs nothing !!! https://t.co/jo4T60jsRZ
— Cardi B (@iamcardib) April 10, 2023
ქარდი ბის არ გაუმხელია კონკრეტული მიზეზი, რის გამოც ამ თემას გამოეხმაურა, თუმცა მისი პოსტი მოჰყვა დალაი ლამას ბოდიშს იმ ინციდენტისთვის, რომლის ვიდეოც ინტერნეტით გავრცელდა. ვიდეოში პატარა ბიჭი 87 წლის სულიერ ლიდერთან მიდის და ჩახუტებას სთხოვს. დალაი ლამას კი ბიჭის თავი მასთან ახლოს მიაქვს და ტუჩებში კოცნას სთხოვს.
„მის უწმინდესობას სურს, ბოდიში მოუხადოს ბიჭსა და მის ოჯახს, ასევე მის მეგობრებს მთელი მსოფლიოს გარშემო. მისი უწმინდესობა ხშირად ეხუმრება ადამიანებს სახალისოდ და უმანკოდ, თუნდაც კამერების პირისპირ.” ნათქვამია გავრცელებულ განცხადებაში.
