Watershed – კლუბი KHIDI-ის აუდიო-ვიზუალური  ღონისძიებების სერია ახალი ლაივით დაბრუნდა

კლუბის სცენა დაიკავეს Byetone-მ, ფრენკ ბრეტშნაიდერმა და ნატალია ბერიძემ.
Watershed, ფრენკ ბრეტშნაიდერი. ფოტო: ნინუცა კაკაბაძე

Watershed კლუბი KHIDI-ის აუდიო-ვიზუალური ღონისძიებების სერიაა, რომლის ფარგლებში ამჯერად კიდევ ერთი საღამო გაიმართა. Watershed-ის ახალი ეპიზოდი ეხმიანებოდა UNESCO-ს მიერ, თბილისისათვის ახალი მედია ხელოვნების დედაქალაქის სტატუსის მინიჭებას. 

კლუბის სცენა დაიკავეს Byetone-მ, ფრენკ ბრეტშნაიდერმა (Frank Bretschneider) და ნატალი ბერიძემ. ნატალია ბერიძის ლაივი  ვიზუალური ხელოვნების ჟანრის ერთ-ერთმა პიონერმა არტისტმა, ლასლო ბორდოსმა (László Bordos) გააფორმა. 

ნატალია ბერიძე. ფოტო: ნინუცა კაკაბაძე

აღსანიშნავია, რომ აუდიო-ვიზუალური ლაივის მონაწილე გერმანელი არტისტები, ოლაფ ბენდერი და ფრენკ ბრეტშნაიდერი ექსპერიმენტული ელექტრონული მუსიკის ლეიბლსა და ვიზუალური ხელოვნების გერმანულ პლატფორმას, RASTERMEDIA-ს წარმოადგენენ. ლეიბლი 1996 წელს დაარსდა და დღეს 50-მდე არტისტს აერთიანებს. 

სოფო ებრალიძე, KHIDI-ის წარმომადგენელი: 

„პროექტი Watershed 2017 წელს  დავიწყეთ. ღონისძიებების სერიის კონცეფცია არის ის, რომ აუდიტორიისათვის გამორჩეულ გამოცდილებად და შთაგონების წყაროდ იქცეს. გვიხარია, რომ ჩვენი ღონისძიების ახალ ეპიზოდში სწორედ RASTERMEDIA მონაწილეობს, რადგან ის ამ სფეროში ერთ-ერთი ყველაზე ძველი და ავტორიტეტული პლატფორმაა. რაც შეეხება აუდიო ვიზუალურ ხელოვნებას, ელექტრონული მუსიკის სცენაზე დღესდღეობით მუსიკა და ვიზუალი ერთმანეთის გარეშე წარმოუდგენელია. კლუბში განათება უმნიშვნელოვანესი დეტალია და KHIDI-ის კონცეფციიდან გამომდინარე, ამას ჩვენს სივრცეში დიდი ყურადღება ექცევა. განათების, ვიზუალის და მუსიკის სინთეზი, ყოველი ლაივის დროს, ერთ მთლიან გამოცდილებას ქმნის.” 

RASTERMEDIA. ფოტო: ნინუცა კაკაბაძე

Watershed-ის მუსიკალურ სესიამდე, KHIDI-ის სივრცეში ოლაფ ბენდერითან და ფრენკ ბრეტშნაიდერთან საჯარო შეხვედრა გაიმართა, რომლის თემა იყო:  აუდიო-ვიზუალური ფროდაქშენი და საშემსრულებლო ხელოვნება. 

ფრენკ ბრეტშნაიდერი, არტისტი: 

„აუდიო-ვიზუალურ ხელოვნებაში საჭიროა ბალანსი დაიცვა. თვალი აღქმის ნაწილში წამყვანი ორგანოა და შესაძლოა, ნანახმა სმენით მიღებული ინფორმაცია დაჩრდილოს. ვცდილობ, რომ ვიზუალი ინტენსიური არ იყოს და პერფორმანსის წამყვანი მუსიკა იყოს.” 

ფრენკ ბრეტშნაიდერი. ფოტო: ნინუცა კაკაბაძე

ექსპერიმენტული ელექტრონული მუსიკის შექმნაში დღეს უამრავი ტექნოლოგიაა ინტეგრირებული. ტექნოლოგიების განვითარებაზე საუბრისას,  ფრენკ ბრეტშნაიდერმა და ოლაფ ბენდერმა აღნიშნეს, რომ მათ მუსიკაში მთავარი მაინც არტისტული ხედვაა.

„ხელოვნური ინტელექტის მიერ შექმნილ მუსიკას ინოვაციად არ აღვიქვამ. AI არსებული დიდი ბაზიდან იღებს ინფორმაციას და შემდეგ მასზე დაყრდნობით შექმნილ შედეგს გვთავაზობს. ამიტომ მისი შედარება  ადამიანის კრეატიულ შემოქმედებით პროცესთან შეუძლებელია. როგორც არ უნდა განვითარდეს ეს ტექნოლოგიები, ჩემთვის მთავარი მაინც სახელოვნებო მიდგომა იქნება.” – აღნიშნა ფრენკ ბრეტშნაიდერმა. 

Watershed. ფოტო: ნინუცა კაკაბაძე
Share
Tweet
Share
Share
Share

Leave a Reply

წინა სტატია

ტომ იორკი - პარიზის ფილარმონია, 2022 წლის 6 ივნისი. ფოტო: დევიდ ვოლფ-პატრიკი

Radiohead-ის პროექტი The Smile ახალ ალბომს სახელწოდებით Wall of Eyes აანონსებს

შემდეგი სტატია

პირველ დეკემბერს, ჯგუფ The Killages-ის კონცერტი Billboard Georgia Stage-ზე

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი