კანიე უესტმა ახალ ინტერვიუში გაამხილა, რომ მისი მეუღლე ბიანკა სენსორი იმის გაანალიზებაში დაეხმარა, რომ მას აუტისტური სპექტრი აქვს. „მან მითხრა: შენ არ ჰგავხარ ბიპოლარს, რადგან მე ასეთი ადამიანი ნანახი მყავს,” – თქვა კანიემ და აღნიშნა, რომ მისთვის ეს იყო გაცხადება, რომ მას არ სჭირდა ბიპოლარული აშლილობა, როგორც ეს აქამდე იცოდა, არამედ ეს იყო ASD – აუტისტური სპექტრის აშლილობა.
ASD განისაზღვრება, როგორც „განსხვავება ტვინის ფუნქციონირებაში, რომელიც გავლენას ახდენს იმაზე, თუ როგორ ურთიერთობს ადამიანი სხვებთან.”
2016 წელს უესტი საავადმყოფოში გადაიყვანეს „გადაუდებელი ფსიქიატრიის” დიაგნოზით, რომელიც აღწერილი იყო, როგორც „დროებითი ფსიქოზი, გამოწვეული უძილობითა და დეჰიდრატაციით.”
კანიეს თქმით, აუტისტური სპექტრის გააზრება დაეხმარა, რომ მისი გარკვეული ქცევები პერსპექტივაში დაენახა. როგორც რეპერი ჰყვება, ის ერთ-ერთ ექიმთან დადიოდა, რომელიც სხვა ცნობილ ადამიანებთანაც მუშაობდა (მათ შორის, კანიეს თქმით, იყო ჯასტინ ბიბერიც), როცა სენსორიმ მეუღლის დიაგნოზში ეჭვი შეიტანა.
რეპერი ამბობს, რომ მას შემდეგ, რაც ბიპოლარული აშლილობის დიაგნოზის სიმცდარე აღმოაჩინა, მედიკამენტებს აღარ იღებს. „აუტიზმის დროს ფიქრობ: მოდი, ტრამპის ქუდს დავიხურავ, რადგან მომწონს ტრამპი. და თუ ამ დროს ადამიანები გეუბნებიან, რომ ეს არ გააკეთო, შენ ამას უფრო დაჟინებით აკეთებ… და ეს არის ჩემი პრობლემა: როცა ფანები მეუბნებიან, რომ, მაგალითად, ალბომი რაღაც კონკრეტული მიმართულებით გავაკეთო, მე მას საპირისპიროდ ვაკეთებ. უბრალოდ, იმიტომ.”
უესტი ამჟამად თავისი მოდისა და მუსიკალური ინდუსტრიების ხელახლა აშენებაზე მუშაობს მას შემდეგ, რაც 2022-2023 წლებში, მისი ანტისემიტური კომენტარების გამო, აღნიშნული იმპერიები ჩამოეშალა. რეპერთან თანამშრომლობა გაწყვიტეს კომპანიებმა: „გეფი”, „ადიდასი”, „ბალენსიაგა”, ასევე მისმა აგენტებმაც. დაიბლოკა მისი პირადი სოციალური გვერდები. შედეგად, როგორც გასული წლის თებერვალში თავადვე განაცხადა, ყოფილი მილიარდერი თითქმის გაკოტრდა.
რამდენიმე დღის წინ უესტი კიდევ ერთხელ მოექცა მსოფლიოს ყურადღების ცენტრში, როცა გრემის 67-ე ცერემონიის წითელ ხალიჩაზე მეუღლესთან ერთად წარდგა, რომელსაც შიშველ ტანზე სრულად გამჭვირვალე კაბა ეცვა.
უყურეთ კანიე უესტის ინტერვიუს:
