პარასკევის მუსიკალური გზამკვლევი Billboard-ისგან

Billboard მკითხველს კვირის მნიშვნელოვანი რელიზების სიას სთავაზობს
Cardi B
BRIAN ZIFF

Billboard-ის პარასკევის მუსიკალური გზამკვლევი (Friday Music Guide) კვირის მნიშვნელოვან რელიზებს გთავაზობთ – იმ სიმღერებს, რომლებიც დღეს ყურადღების ცენტრშია და რომლებიც შემდეგი დღეების ფლეილისტების პოტენციური ლიდერია. 

ამ ჩამონათვალში Cardi B კონკურენციას უწევს ისეთ არტისტებს, როგორებიც არიან, მაგალითად: Chance The Rapper და Dijon. 

Cardi B – Imaginary Playerz

ახალ ტრეკში Cardi B მიმართავს მათ, ვინც მის ხანგრძლივ კარიერასა და გავლენას ეჭვქვეშ აყენებდა. არტისტის მეორე ალბომის გამოცემამდე სულ რამდენიმე კვირაა დარჩენილი და Imaginary Playerz სწორედ მისი ერთ-ერთი სინგლია. 

Chance The Rapper – Star Line

Chance The Rapper 2010-იანი წლების შუა პერიოდში გამოჩნდა მუსიკალურ სცენაზე, თუმცა 2019 წლის ალბომმა – The Big Day მისი ტემპი შეანელა. Star Line ერთგვარი დაბრუნებაა მის მუსიკალურ ფესვებთან და აერთიანებს არაერთ წამყვან არტისტს: Lil Wayne-ს, Young Thug-სა და Jazmine Sullivan-ს.

Dijon – Baby

მას შემდეგ, რაც Dijon-მა 2021 წელს სადებიუტო ალბომი Absolutely გამოსცა, მისი გავლენა თანამედროვე R&B-ის ჟანრსა და ზოგადად პოპ-მუსიკაზე საგრძნობლად გაიზარდა. ახალი ალბომით – Baby – არტისტი lo-fi-ს ჟანრის რიტმულ ნამუშევრებს დაუბრუნდა. ამჯერად ის საკუთარი პროექტით დიდი აუდიტორიის წინაშე წარდგება, რაც შესაძლებლობას აძლევს, სრულფასოვან კომერციულ მუსიკოსად ჩამოყალიბდეს.

Kaytranada – Ain’t No Damn Way!

პრესრელიზში ალბომი – Ain’t No Damn Way! აღწერილია, როგორც „Kaytranada-ს დაბრუნება საცეკვაო მუსიკის ფესვებთან“. ამ ჟანრის მოყვარულთათვის ეს სასიხარულო ამბავია, რადგან Kaytranada საცეკვაო მოედნებისთვის მაღალი ხარისხის ტრეკებს წერს. ალბომის პირველივე კომპოზიცია – Space Invader მსმენელში ეიფორიულ განწყობას იწვევს.

ჯორდან დეივისი – Learn the Hard Way

ქანთრის ჟანრის ვარსკვლავის, ჯორდან დეივისის რეპერტუარს ნეშვილში ერთგული მსმენელები ჰყავს. ალბომში – Learn the Hard Way ის აუდიტორიას კვლავაც სთავაზობს საშუალო ტემპის ტრეკებს, რომლებიც მისი დამახასიათებელი, მშვიდი ტემბრის გარშემო ვითარდება. 

ოლივია დინი – Man I Need

ვინც ოლივია დინის ბოლო სინგლების სერიას თვალს ადევნებდა, კარგად ესმის, რატომ იზრდება მოლოდინი მისი მეორე ალბომის – The Art of Loving-ის მიმართ. სინგლი, სახელწოდებით Man I Need კიდევ ერთხელ ამტკიცებს, რომ ოლივიას მელოდიების წერის განსაკუთრებული ნიჭი აქვს. 

რედაქტორის არჩევანი: ქონან გრეი – Wishbone

Wishbone ქონან გრეის მეოთხე სტუდიური ალბომია და ისეთი ჟღერადობით გამოირჩევა, თითქოს არტისტი მთელი კარიერის განმავლობაში სწორედ ამ ნამუშევრისკენ მიდიოდა. ალბომის ფარგლებში მან კვლავ დენ ნიგროსთან ითანამშრომლა, თუმცა ალბომში უმეტესად საავტორო ნამუშევრებია შესული. Wishbone-ში ქონან გრეი მსმენელის წინაშე საბოლოოდ ჩამოყალიბებულ, სრულფასოვან პოპ-არტისტად წარდგება. სიმღერები კი მისთვის დამახასიათებელი ემოციური ტექსტით გამოირჩევა. 

Share
Tweet
Share
Share
Share

Leave a Reply

წინა სტატია

Stockton Invites – მუსიკალური ფესტივალი „სათიბეში”

შემდეგი სტატია

Naili’s Wedding – ნინი ნუცუბიძემ Nikakoi-ს კომპოზიციის ახალი ვერსია წარადგინა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი