თამადამ ახალი მუსიკალური ვიდეო წარადგინა, რომელიც გადაღებულია სიმღერაზე, სახელწოდებით „ნარ-ნარ ხარ“. ეს პირველი სინგლია თამადას ახალი, დაანონსებული ალბომიდან, რომლის პრეზენტაციაც 2026 წლის ოქტომბერში იგეგმება.
ვიდეოს სცენარი თამადას და მინდია არაბულს ეკუთვნით, ხოლო სარეჟისორო ნამუშევარი – შიო ხიდაშელს. კლიპზე ფროდაქშენ კომპანია Industria-მ იმუშავა.
სიმღერისა და მასზე გადაღებული ვიდეოს შესახებ თამადა Billboard Georgia-ს ესაუბრა:
„ეს პირველი სინგლია ახალი ალბომიდან, რომელზეც ბოლო ორი წელია ვმუშაობ. ეტაპობრივად კიდევ სამ-ოთხ ტრეკს გამოვცემ, ალბომის პრეზენტაცია კი ოქტომბერში შედგება. ვგეგმავთ, რომ ალბომი ვინილზეც გამოიცეს. რაც შეეხება კლიპს, ერთ ღამეში გადავიღეთ. გადაღების პროცესი საინტერესო და სასიამოვნო იყო, რადგან ამ პროექტში ჩართული ყველა ადამიანი საკუთარი საქმის პროფესიონალია. იდეა სოციალური თემატიკისაა და ბევრი შრე აქვს. საბოლოოდ, მაინც მსმენელის აღქმაზეა დამოკიდებული, თუ როგორ მიიღებს ვიდეოს შინაარსს, რადგან დიდ სივრცეს ტოვებს ინტერპრეტაციისთვის.“
ნახეთ თამადას ახალი მუსიკალური ვიდეო:
