Quemmekh-მა და რეჟისორმა გურამ მაცხონაშვილმა ერთობლივი პროექტი, სახელწოდებით UNBURNED LIVE SHOW დააანონსეს. ინსტაგრამზე გამოქვეყნებული ერთობლივი პოსტიდან ირკვევა, რომ პერფორმანსზე დასასწრები ბილეთების წინასწარი გაყიდვა მალე დაიწყება ვებგვერდზე – UNBURNED.LIVE.
საანონსო თიზერი შოუს კონცეფციის შესახებ მკაფიო მინიშნებას არ იძლევა, თუმცა სავარაუდოა, რომ ის მუსიკალური და თეატრალური მედიუმების სინთეზი იქნება. აღსანიშნავია, რომ ვიდეოში მონაწილე მსახიობს ქართული მოდის სახლის, Situationist-ის კოსტიუმი აცვია.
Quemmekh-სა და გურამ მაცხონაშვილს სამწლიანი შემოქმედებითი პაუზა ჰქონდათ, შესაბამისად, ეს პროექტი ორივე მათგანის დაბრუნებად შეგვიძლია მივიჩნიოთ.
შოუს დაანონსებამდე, არტისტების ინსტაგრამ გვერდებიდან ყველა პოსტი წაიშალა და მხოლოდ კოლაბორაციული პოსტერი გამოქვეყნდა, სადაც თეთრ ფონზე იყო წარწერა: „Project: U”.
