ვარსკვლავების ცნობილმა სტილისტმა, კრის ეპლტონმა ბრიტნი სპირსს თმის ვარცხნილობა შეუცვალა

„ის არა მხოლოდ საკულტო ადამიანია, არამედ ერთ-ერთი ყველაზე გულწრფელი, კეთილი და სათუთი სული, ვისაც კი ოდესმე შევხვედრივარ,” – დაწერა კრის ეპლტონმა პოსტის აღწერაში.
ბრიტნი სპირსი 2016 წლის MTV -ს დაჯილდოებაზე Anthony Harvey/Getty Images
ბრიტნი სპირსი 2016 წლის MTV -ს დაჯილდოებაზე
Anthony Harvey/Getty Images

ბრიტნი სპირსმა იმიჯი შეიცვალა. ვარსკვლავების სტილისტმა კრის ეპლტონმა, რომელიც კიმ კარდაშიანთან თანამშრომლობითაა ცნობილი, Instagram-ზე მომღერალთან ერთად გადაღებული ფოტო გამოაქვეყნა. სტილისტმა პოსტის აღწერაში აღნიშნა, თუ რამდენად არარეალური შეგრძნებაა, როდესაც ბავშვობის კუმირი დღეს მისი კლიენტია. 

„როგორც ინგლისში გაზრდილი ბავშვისთვის, ბრიტნი სპირსი ჩემი ცხოვრების უამრავი მომენტის საუნდტრეკი იყო. ვერც ვიოცნებებდი, რომ ოდესმე მის სავარძელთან დავდგებოდი (ან, როგორც ამ შემთხვევაშია, ის იდგებოდა ჩემს ზურგსუკან) და მის თმაზე ვიზრუნებდი. ზოგიერთი მომენტით ცხოვრებაში მართლაც სრული წრე იკვრება. ის არა მხოლოდ საკულტო ადამიანია, არამედ ერთ-ერთი ყველაზე გულწრფელი, კეთილი და სათუთი სული, ვისაც კი ოდესმე შევხვედრივარ,” – დაწერა კრის ეპლტონმა პოსტის აღწერაში. 

ეპლტონის მიერ გაზიარებულ ფოტოში სპირსი რადიკალურად შეცვლილი არ არის, თუმცა მას სწორი თმა აქვს. 

ფოტოს გამოქვეყნებამდე რამდენიმე თვის წინ სპირსი სამკურნალო დაწესებულებაში ნებაყოფლობით წავიდა. ეს გადაწყვეტილება 4 მარტს, კალიფორნიაში, ვენტურას ოლქში, საეჭვოდ ნასვამ მდგომარეობაში მართვისთვის დაკავებას მოჰყვა. ბრიტნი სპირსმა საპროცესო შეთანხმებას მიაღწია და ერთწლიანი პირობითი მსჯავრიც შეეფარდა. მან ბრალი აღიარა შედარებით მსუბუქ სამართალდარღვევაში, რაც ნაკლებად მძიმეა, ვიდრე ნასვამ მდგომარეობაში ავტომობილის მართვის ბრალდება.

„მან მნიშვნელოვანი ნაბიჯები გადადგა პოზიტიური ცვლილებებისკენ, რაც ნათლად აისახა ვენტურას ოლქის პროკურატურის გადაწყვეტილებაში – შეემცირებინა ბრალდება და მოეხსნა ნასვამ მდგომარეობაში მართვის მუხლი,” – განაცხადა სპირსის ადვოკატმა. ადვოკატის თქმით, ბრიტნი აფასებს და მადლიერია იმ უდიდესი მხარდაჭერისთვის, რაც საზოგადოებისგან მიიღო.

მიუხედავად ამისა, მაისში საზოგადოებამ კვლავ გამოთქვა შეშფოთება, როდესაც გავრცელდა ინფორმაცია, რომ სპირსი ერთ-ერთ რესტორანში დანით ხელში უჩვეულოდ იქცეოდა, თუმცა მისმა წარმომადგენელმა ეს ხმები მალევე უარყო. „ის უბრალოდ ყვებოდა ისტორიას იმის შესახებ, თუ როგორ უყეფდა მისი ძაღლი მეზობლებს. მას არცერთ მომენტში არავინ ჩაუგდია საფრთხეში. ეს არის მუდმივი თავდასხმა ყველაფერზე, რასაც ის აკეთებს. ზუსტად იგივე ხდებოდა 20 წლის წინაც, როდესაც მედია ბრიტნის ცუდ პიროვნებად წარმოჩენას ცდილობდა. ეს აბსურდია და ახლავე უნდა შეწყდეს,” – განაცხადა მომღერლის წარმომადგენელმა Billboard-ისთვის მიცემულ კომენტარში.

Share
Tweet
Share
Share
Share

Leave a Reply

წინა სტატია

ტეილორ სვიფტი გრემის 67-ე ყოველწლიურ დაჯილდოებაზე, 2025 წლის 2 თებერვალი, ლოს ანჯელესი Matt Winkelmeyer/Getty Images

ტეილორ სვიფტის თქმით, პოლ მაკარტნი მისთვის მუდმივი შთაგონების წყაროა და მის ახალ ალბომს უმაღლეს შეფასებას აძლევს

შემდეგი სტატია

ინკლუზიური მუსიკალური განათლება – სივრცე, სადაც შესაძლებლობები იქმნება

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი