75 სიმღერა ესპანეთის მსოფლიო ჩემპიონატზე გამარჯვების აღსანიშნად: ROSALÍA, QUEVEDO, ENRIQUE IGLESIAS და სხვები

Manolo Escobar-ის კლასიკური ჰიტით – Y Viva España დაწყებული Aitana-ს Superestrella-მდე, გაეცანით საზეიმო ფლეილისტს სრულად.
ესპანეთის ნაკრების ფეხბურთელი ლამინ იამალი (N19) FIFA-ს მსოფლიო ჩემპიონატის გამარჯვებულთა თასით. ესპანეთმა 2026 წლის მსოფლიო ჩემპიონატის ფინალში არგენტინა დაამარცხა. მატჩი 19 ივლისს, ნიუ ჯერსის შტატში, ისტ რეზერფორდის MetLife Stadium-ზე გაიმართა. ALEX PANTLING /FIFA VIA GETTY IM
ესპანეთის ნაკრების ფეხბურთელი ლამინ იამალი (N19) FIFA-ს მსოფლიო ჩემპიონატის გამარჯვებულთა თასით. ესპანეთმა 2026 წლის მსოფლიო ჩემპიონატის ფინალში არგენტინა დაამარცხა. მატჩი 19 ივლისს, ნიუ ჯერსის შტატში, ისტ რეზერფორდის MetLife Stadium-ზე გაიმართა.
ALEX PANTLING /FIFA VIA GETTY IM

2026 წლის FIFA-ს მსოფლიო ჩემპიონატი დასრულდა და სოციალურ ქსელებში საერთო განწყობა ტრიალებს. ბევრი გულშემატკივარი ნოსტალგიურ ნოტაზეა და აღნიშნავს, რომ უკვე მოენატრათ ის მუხტი და ატმოსფერო, რომელიც 11 ივნისიდან დაწყებულ ერთთვიან ტურნირს ახლდა თან.

ნანატრი ოქროს თასი ესპანეთმა  19 ივლისს ნიუ-ჯერსის MetLife Stadium-ზე გამართულ გრანდიოზულ ფინალში მოიპოვა, სადაც არგენტინა ანგარიშით 1:0 დაამარცხა. ეს ევროპული ქვეყნისთვის მსოფლიო ჩემპიონატზე მოპოვებული მეორე გამარჯვებაა. პირველად ესპანეთმა მსოფლიო ჩემპიონატის თასი 2010 წელს მოიპოვა, როდესაც ფინალში ნიდარლანდებს ზუსტად იგივე ანგარიშით 1:0 მოუგო.  

ზეიმის გასაგრძელებლად და ესპანეთის გამარჯვების აღსანიშნად, Billboard-მა განსაკუთრებული ფლეილისტი შეადგინა.

სიაში, სახელწოდებით Spain’s World Cup in Music  (ესპანეთის მსოფლიო ჩემპიონატი მუსიკაში), 75 სიმღერა და ოთხ საათზე მეტი ხანგრძლივობის მუსიკაა გაერთიანებული, მათ შორის ესპანეთის ყველაზე ცნობილი ჰიტები, როგორებიცაა: Los Del Rio-ს Macarena, The Ketchup-ის Aserejé, ალეხანდრო სანსის La Tortura, რომელიც მან მსოფლიო ჩემპიონატების მუსიკის დედოფლად წოდებულ შაკირასთან ერთად ჩაწერა, ასევე ენრიკე იგლესიასის Bailando Gente de Zona-სა და Descemer Bueno-სთან კოლაბორაციით.

ამ უკანასკნელმა 2014 წელს Billboard-ის Hot Latin Songs-ის ჩარტში რეკორდიც მოხსნა, სიმღერამ პირველი ადგილი 41 კვირის განმავლობაში შეინარჩუნა, რაც იმ დროისთვის ჩარტის ისტორიაში ყველაზე ხანგრძლივი პოზიცია იყო.

ფლეილისტში ასევე შესულია კლასიკური ჰიტები, რომლებიც ათწლეულების განმავლობაში ესპანეთის მუსიკალური ისტორიის ნაწილად იქცა. მათ შორისაა მანოლო ესკობარის Y Viva España,  ასევე ხულიო ეგლესიასის, როსიო დურკალის, პაკო დე ლუსიას, ხოან მანუელ სერატის, რაფაელისა და კამილო სესტოს კომპოზიციები.

გარდა ამისა, Billboard ესპანეთის ეროვნულ ნაკრებს გამარჯვებას თანამედროვე სიმღერებითაც ულოცავს, რომლებიც დღესდღეობით ჩარტებსა და სოციალურ ქსელებშია პოპულარული. მაგალითად, Quevedo-სა და ელიას კრესპოს La Graciosa, რომელიც  მატჩების მსვლელობისას არა მხოლოდ გულშემატკივრების ფავორიტ სიმღერად იქცა, არამედ, სტრიმინგის მონაცემების მიხედვით, Billboard-ის Spain Songs-ის ჩარტში პირველ ადგილსაც იკავებს.

ფლეილისტში ასევე შედის Jarabe de Palo-ს ენერგიული და პოზიტიური სიმღერა Bonito, Aitana-ს Superestrella და Natalia Jimenez-ის Creo en Mí.

მოუსმინეთ ფლეილისტს სრულად:

Share
Tweet
Share
Share
Share

Leave a Reply

წინა სტატია

ფესტივალის აღმასრულებელი დირექტორი ნინა ცაგარელი

„ღამის სერენადები“  განსაკუთრებული პროგრამით ბრუნდება –  ინტერვიუ ფესტივალის აღმასრულებელ დირექტორთან ნინა ცაგარელთან

შემდეგი სტატია

ნანი – ლეგენდის მიღმა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი