„მე მქვია ბონდი, ჯეიმს ბონდი“ – ყველასთვის ცნობილი ფრაზაა – ფილმიდან „ჯეიმს ბონდი“. ბლოკბასტერს გამოსვლის დღიდან სამოცი წელი შეუსრულდა. იუბილე ლონდონის სამეფო საკონცერტო დარბაზში, The Sound of 007-ის კონცერტით აღინიშნა. აღსანიშნავია, რომ ამავე სახელწოდების დოკუმენტური ფილმის პრემიერა მომდევნო დღეს, ხუთ ოქტომბერს შედგა.
სანამ მსოფლიო ბონდის დღეს აღნიშნავდა, Billboard-მა „ჯეიმს ბონდის“ ფილმების საუნდტრეკები განიხილა.
აგენტ 007-ის მთავარ მუსიკალურ ნაწარმოებებზე ყველაზე მეტი სიმღერა მომღერალმა შირლი ბისიმ შეასრულა. თავდაპირველად შირლიმ 1964 წელს სიმღერა Goldfinger – იმღერა. მოგვიანებით კი, 1971 წელს, უკვე კლასიკად აღიარებული სიმღერა Diamonds Are Forever თავის ჰიტ სიმღერების სიას შემატა. ცნობისთვის 1965 წელს ჯეიმს ბონდის მეოთხე სერია გამოვიდა, სახელწოდებით Thunderball – ამავე სახელწოდების სიმღერა კი, ტომ ჯონსმა იმღერა. 1967 წელს კი, ფილმის მთავარი სიმღერა ნენსი სინატრამ (You Only Live Twice) – შეასრულა.
მომდევნო ორი ათწლეულის განმავლობაში, საიდუმლო აგენტის ეკრანიზაციის შექმნილ საუნდტრეკებზე ისეთმა მუსიკოსებმა იმუშავეს როგორებიც არიან: პოლ მაკარტნი და Wings – სიმღერით Live and Let Die; კარლი სიმონი – სიმღერით Nobody Does It Better; შინა ისტონი – For Your Eyes Only; რიტა კულიჯი – All Time High.
ასევე, დიდი წარმატება ხვდა წილად Duran Duran-ის მიერ შესრულებულ სიმღერას A View to a Kill. 1985 წელს სიმღერა ბილბორდის Hot 100-ში მოწინავე პოზიციას იკავებდა.
სხვადასხვა დროს, ფილმის საუნდტრეკზე მსოფლიო ვარსკვლავებმა – მადონამ, შერილ ქროუმ, ჯეკ უაიტმა და ალიშია კისმა იმუშავეს.
თუმცა, უნდა ითქვას, რომ ადელმა ფილმის მუსიკა კიდევ უფრო პოპულარული გახადა. მისი შესრულებით სიმღერამ – Skyfall, 2013 წელს ნომინაციაში „საუკეთესო ორიგინალური სიმღერისთვის“ „ოსკარი“ მიიღო.
ბილბორდის გამოკითხვაში, ხმის მისაცემად გადადით ბმულზე და „ჯეიმს ბონდის“ თქვენთვის საყვარელი საუნდტრეკი გამოავლინეთ.
