ბრიტანული ინდი-როკ ჯგუფი Toploader თბილისს ეწვია და დღეს რვა ოქტომბერს „რესპუბლიკაში“ მსმენელის წინაშე წარსდგება.
ჯგუფი 90-იანი წლების ბოლოს სადებიუტო ალბომით Onka’s Big Moka გახდა ცნობილი და ბრიტანეთის აღლუმების ტოპ ხუთეულში შევიდა. Onka’s Big Moka-ს დისკის გაყიდვებმა მილიონს გადააჭარბა.
ყველაზე გამორჩეული ჰიტი Dancing in the moonlight – ქართველ მსმენელში დღემდე პოპულარულია.
Dancing in the moonlight – 1972 წელს დაიწერა. Მისი ავტორი კი, შერმან კელია. Სიმღერის ქავერ ვერსია Toploader – მა 1999 წელს გამოუშვა და მსოფლიო მასშტაბის აღიარება მოიპოვა.
Toploader თბილისში პირველად იმყოფება და მოლოდინიც საკმაოდ დიდი აქვთ. მათ საქართველოში ჩამოსვლა საკუთარ ოფიციალურ გვერდზე 12 სექტემბერს დააანონსეს: „სულ რამდენიმე კვირა დარჩა თბილისში ჩასასვლელად, ჩვენ „რესპუბლიკაში“ შოუსთვის ვემზადებით“ – წერდა Toploader სოციალურ მედიაში.
