პოლ მაკარტნი სოლო კარიერის განმავლობაში გამოსულ ოთხმოცამდე სინგლის კრებულს გამოუშვებს. კოლექცია „The 7“ 2 დეკემბერს, ყუთის სახით გამოვა და შეზღუდული რაოდენობით, სამი ათასამდე ეგზემპლარი გაიყიდება.
ას სამოცდასამი სიმღერის ქრონომეტრაჟი, ჯამში ათ საათზე მეტია. კრებული ციფრული სახითაც გამოვა, სადაც სხვა ცნობილ სიმღერებთან ერთად შესული იქნება ისეთი ნამუშევრები როგორიც არის: My Love, Live and Let Die, Band on the Run, Silly Love Songs, Coming Up, Ebony and Ivory, Say Say Say და No More Lonely Lights.
„იმედი მაქვს, რომ ამ კრებულში შესული სიმღერები, ისევე როგორც მე, თქვენც კარგ მოგონებებს აღგიძრავთ.“ – თქვა პოლ მაკარტნიმ. კრებული მაკარტნის 1971 წლიდან 2022 წლამდე ჩანაწერებს მოიცავს.
კრებულს თან ერთვის მაკარტნის ფოტოები, ვინილები, CD-დისკები, ვარსკვლავის წინასიტყვაობით ას ორმოცდარვა გვერდიანი წიგნი, ინფორმაცია ჩარტებზე, ნოტები და ცალკეული ნამუშევრები. თითოეულ ყუთში შემთხვევითობის პრინციპით ექსკლუზიური სინგლი იქნება შერჩეული.
პოლ მაკარტნიმ კრებული 1971 წლის იშვიათი მონო ჩანაწერით Uncle Albert/Admiral Halsey [Mono] და Too Many People [Mono] გამოქვეყნებით აღნიშნა:
