ლეგენდარული მუსიკოსი ლორინ ჰილი, ტომ ჯოინერის საქველმოქმედო ფონდს უერთდება. მომღერალი ფონდის კრუიზში – 2023 წელს მიიღებს მონაწილეობას. საქველმოქმედო ღონისძიება აფრო-ამერიკელი კოლეჯებისა და უნივერსიტეტის სტუდენტებისთვის თანხის შეგროვებას ისახავს მიზნად.
„აღფრთოვანებული ვარ, რადგან ლორინ ჰილი ტომ ჯოინერის ფანტასტიკურ ვოიაჟ 2023-ს შემოუერთდება. ის ყველა დროის ერთ-ერთი საუკეთესო არტისტია.ღონისძიებაზე შემოსული თანხა აფრო-ამერიკელი სტუდენტების სწავლა-განათლებას მოხმარდება. იმედგაცრუებული არავინ დარჩება და ეს საოცარი შოუ იქნება“. – ტომ ჯოინერმა პრესრელიზში აღნიშნა.
ტომ ჯოინერს ათწლეულობის განმავლობაში ABC-ის რადიო არხზე დილის შოუ მიჰყავდა. მისი დაარსებული საქველმოქმედო ღონისძიება 2023 წელს დამსწრე საზოგადოებას გრანდიოზულ შოუს ჰპირდება. კრუიზის ფარგლებში ორმოცამდე სხვადასხვა გასართობი აქტივობა იგეგმება. ღონისძიებაში ცნობილი სახეებიც მიიღებენ მონაწილეობას. კრუიზზე თემატური საღამოები და სემინარებიც გაიმართება.
საქველმოქმედო კრუიზზე კაბინების ოთხმოცი პროცენტი უკვე გაყიდულია. ღონისძიება ოცი მაისიდან აიღებს გეზს და ოცდაშვიდ მაისამდე გაგრძელდება.
