სტეფანემ ახალი სიმღერა და მასზე გადაღებული მუსიკალური ვიდეო წარადგინა

სიუჟეტური ხასიათის კლიპში მთავარ როლს მომღერალი გია სურამელაშვილი ასრულებს.

სტეფანემ მსმენელს მუსიკალური ვიდეო წარუდგინა. კლიპი გადაღებულია მუსიკოსის ახალ კომპოზიციაზე სახელწოდებით Gaigime. Მუსიკისა და ტექსტის ავტორი თავად სტეფანეა, ასევე სტეფანეს ეკუთვნის ვიდეოს იდეა. სიმღერის მუსიკალური ფროდაქშენის ავტორი ნიკა კოჩაროვია. რაც შეეხება ვიზუალურ ნამუშევარს, ვიდეო გადაიღო გიორგი მეშველიანმა (avi.musaifi.) ვიდეოკლიპის გადაღებაზე Metro Production -მა იმუშავა. აღსანიშნავია, რომ  კლიპში მთავარ როლს მომღერალი გია სურამელაშვილი ასრულებს.

„რაღაც პერიოდში მივხვდი, რომ ჩემი თავი ამოვწურე. Ზაფხულში არა ერთი კონცერტი მქონდა, რის შემდეგაც აღმოვაჩინე, რომ საკუთარი თავის მოსმენაც კი აღარ შემეძლო. ამის შემდეგ, ცოტა ხნით წავედი ქვეყნიდან და სწორედ ამ პერიოდში დავწერე ეს სიმღერა. Როცა საქართველოში დავბრუნდი, ვფიქრობდი, თუ ვის უნდა გაეკეთებინა ფროდაქშენი, რომ ზუსტი ემოცია წამოსულიყო და გამახსენდა, რომ ჩემი მეგობარი ნიკა კოჩაროვი ამ  მიმართულებით საუკეთესოა. აღსანიშნავია, რომ ნიკას მუსიკალური ფროდაქშენი სხვისთვის აქამდე არ გაუკეთებია და ეს პირველი შემთხვევა იყო, თუმცა ჩვენ კვლავაც ვაპირებთ სამომავლო თანამშრომლობას“ – აღნიშნა სტეფანემ Billboard Georgia-სთან საუბრისას. 

ეს სტეფანესა და Metro Production-ის თანამშრომლობის პირველი შემთხვევა არ არის.   როგორც მომღერალი აღნიშნავს, ეს გადაკვეთა ყოველთვის წარმატებული იყო. პირველი ერთობლივი მუშაობის დროს მუსიკალური ვიდეო MTV Europe-ზე მოხვდა და ორი კვირის განმავლობაში მუსიკალური ინდუსტრიის წამყვან მუსიკოსებთან ერთად იყო ჩარტებში.

„როდესაც Metro Production-ის წარმომადგენლებს შევხვდი, ჩემი ხედვა გავუზიარე. დაახლოებით ხუთი წელი მქონდა იდეა, რომ გია სურამელაშვილი ჩემს მუსიკალურ ვიდეოში გაადამეღო, რადგან მე მას სრულიად სხვა თვალით ვხედავ. მისი კოსტიუმები, გააზრებული იმიჯი, სრულიად სხვა კავშირებსა და ასოციაციას მიჩენდა. გიორგი მეშველიანმა ძალიან ზუსტად გაიგო ჩემი იდეა და ვფიქრობ, საკმაოდ კარგი სარეჟისორო ნამუშევარი შექმნა.“ – სტეფანე.

როგორც სტეფანე ჩვენთან საუბრისას ამბობს, მიუხედავად იმისა, რომ მუსიკალურ ნამუშევარს დეპრესიული განწყობა გასდევს, ის მაინც ოპტიმისტურ გზავნილებს შეიცავს და როგორც აღმოჩნდა, მსმენელმაც ეს ემოცია ზუსტად მიიღო. 

3 დეკემბერს სტეფანე აუდიტორიის წინაშე MONO HALL-ში დაანონსებულ კონცერტზე წარდგება. როგორც თავად ამბობს, Gaigime უმეტესწილად სწორედ ამ კონცერტს ეძღვნება, რომელზეც მსმენელს განსხვავებული მუსიკალური გამოცდილება ელოდება. 

„შემიძლია ვთქვა, რომ ამ კონცერტზე მოსულ მსმენელს განსხვავებული სტეფანე დახვდება.სრულიად განვაახლე უკვე ნაცნობი სიმღერები და ასევე შევასრულებ ახალ კომპოზიციებსაც. კონცერტზე შესრულდება რამდენიმე კოლაბორაციაც, რომლის შესახებაც დეტალებს არ გავაზიარებ, რადგან მსურს, მსმენელისათვის მეტად მოულოდნელი იყოს.“ – სტეფანე

სტეფანე ამჟამად ახალ მუსიკალურ ალბომზე მუშაობს, რომლის გამოცემასაც 2023 წლის გაზაფხულის ბოლოს გეგმავს. 

Share
Tweet
Share
Share
Share

Leave a Reply

წინა სტატია

მაილი საირუსი 30-ე დაბადების დღეზე ბედნიერია: „მადლობელი ვარ ამდენი სიყვარულისთვის”

შემდეგი სტატია

მადონამ მადლიერების დღეზე 6 შვილთან ერთად გადაღებული ფოტოები გამოაქვეყნა 

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი