Axl Rose გავრცელებულ ინფორმაციას ეხმაურება, რომ ავსტრალიაში მათი კონცერტის დროს ქალბატონი დაშავდა, როცა მომღერლის ნასროლი მიკროფონი მოხვდა.
ტვიტერის პოსტში Guns N’ Roses-ის სოლისტი წერს, რომ ის 30 წლიან ტრადიციაზე უარს ამბობს და კონცერტების ბოლოს დარბაზში მიკროფონს აღარ გადააგდებს.
„ჩვენამდე მოვიდა ინფორმაცია, რომ, სავარაუდოდ, ერთ-ერთი გულშემატკივარი დაზიანდა, როცა კონცერტის ბოლოს, ტრადიციულად, დარბაზში მიკროფონი გადავაგდე. ცხადია, ჩვენ არ გვსურს, რომ სადმე ვინმე დავაზიანოთ. ყოველთვის ვფიქრობდით, რომ კონცერტების ბოლოს მიკროფონის დარბაზში გადაგდება ჩვენი შოუს ცნობილი დასასრული იყო, რომელსაც მაყურებელი ელოდა, უნდოდა და იცოდა, რომ ამ მიკროფონის დაჭერის შესაძლებლობა ჰქონდა. თუმცა საზოგადოების უსაფრთხოებიდან გამომდინარე, ამიერიდან თავს შევიკავებთ ფანებისთვის მიკროფონის ან რაიმე ნივთის გადაგდებისგან.
სამწუხაროდ, არსებობენ ისინიც, ვინც საკუთარი მიზნებსთვის, ამ თემას უარყოფითად და უპასუხისმგებლოდ იყენებს. იმედი გვაქვს, საზოგადოება და ჩვენი გულშემატკივარი ხვდება, რომ ხანდახან ასეთი რაღაცებიც ხდება. დიდი მადლობა ყველას გაგებისთვის.”
— Axl Rose (@axlrose) December 2, 2022
ნახეთ პოსტი
