ჰილარი დაფი Women’s Health Australia -ის გარეკანზეა, სადაც იგი და მისი პირადი მწვრთნელი დომინიკ ლიდერი ჰყვებიან, თუ როგორ შეძლო ვარსკვლავმა შინაგანად გაძლიერება.
„ჩემი კარიერის გამო, ამ მოსაზრებას ვერაფერს ვუხერხებდი: ‘მე კამერის წინ ვდგავარ. მსახიობები კი გამხდრები არიან”, – ამბობს დაფი და აღნიშნავს, რომ 17 წლის ასაკში ის საშინელ კვებით აშლილობას ებრძოდა.
თუმცა დღეს მისი ხედვა განსხვავებულია. „მე ვაფასებ ჩემს ჯანმრთელობას. დაკავებული ვარ აქტივობებით, რომლებიც მაძლიერებენ შინაგანად და არა გარეგნულად. დროს ვატარებ ისეთ ადამიანებთან, ვისთანაც თავს კარგად ვგრძნობ. მძინავს საკმარისად და დაბალანსებულად ვიკვებები.”
მისი მწვრთნელი კი ამბობს: „ დიახ, ჯანმრთელობა ძალიან მნიშვნელოვანია მისთვის. კიდევ უფრო მნიშვნელოვანი კი მისი ოჯახი და საქმეა. როცა სამსახურიდან სახლში მოდის, უნდა, რომ დრო ოჯახთან ერთად გაატაროს, რადგან დატვირთული გრაფიკიდან გამომდინარე, ამას ყოველთვის ვერ ახერხებს. ასე რომ, ყველა წუთი მნიშვნელოვანია.”
