მაიკლ ბუბლემ ინსტაგრამზე ახალი ტატუს გაკეთების ვიდეო გააზიარა. „არა, მე ჩემი ქალიშვილის სახელი უნდა დავიწერო”, – ეუბნება მომღერალი ტატუ არტისტს, რომელიც ეხუმრება, რომ მის ნაცვლად მაიმუნების მეფე ან დემონი დაიხატოს.
ვიდეოში მომღერალი ტატუს გაკეთების პროცესსაც გვანახებს. როგორც ჩანს, მისი 4 თვის ქალიშვილის Cielo-ს სახელის დაწერა საკმაოდ მტკივნეული აღმოჩნდა. „და რა მოხდება, თუ მხოლოდ C-ს დავუძახებთ? ჩემს ცოლს დავურეკავ და ვკითხავ, იქნებ კარგი სახელია C.”
მაიკლ ბუბლე და ლუისანა ლოპილატო 2011 წელს დაქორწინდნენ. წყვილს 4 შვილი ჰყავს. როდესაც ვიდეოში მომღერალი ტატუს საბოლოო შედეგს გვაჩვენებს, მის მაჯაზე დანარჩენი 3 შვილის სახელებიც ჩანს.
ნახეთ ვიდეო
