Aerosmith-ის ცნობით, 5 დეკემბერს დაგეგმილი კონცერტი, სტივენ ტაილერის ავადმყოფობის გამო გაუქმდა.
„სამწუხაროდ ჩვენი შოუ ვერ შედგება, როგორც სტივენ ტაილერი ამბობს, ექიმის რჩევით მას დასვენება ესაჭიროება… ამ ქვეყნად სცენაზე, თაყვანისმცემლების გარემოცვაში ყოფნას არაფერი გვირჩევნია. გულწეფელად ვიხდით ყოველივე ამისთვის ბოდიშს“ – ნათქვამია ჯგუფის Twitter-ის განცხადებაში.
დამატებითი კომენტარი ჯგუფს პრესასთან ამ დრომდე არ გაუკეთებია. მიმდინარე კვირას ეს მეორე შოუა, რომელიც Aerosmith-მა სტივენ ტაილერის ავადმყოფობის გამო გააუქმა.
პარასკევს ჯგუფმა ასევე შოუს გაუქმების შესახებ პოსტი გამოაქვეყნა: “ჩვენთვის დიდი იმედგაცრუებაა, მაგრამ იძულებულები ვართ, დღევანდელი შოუ ლას-ვეგასში სტივენის ცუდად ყოფნის გამო გავაუქმოთ“.
იხილეთ, ჯგუფის განცხადება.
— Aerosmith (@Aerosmith) December 5, 2022
