ორბელიანის მოედანზე ფესტივალი „ქარავანი” დაიწყო

საახალწლო „ქარავანი” დავით ევგენიძის კონცერტით გაიხსნა.

23 დეკემბერს ორბელიანის მოედანზე ფესტივალი „ქარავანი” გაიხსნა. 22 დღის განმავლობაში ფესტივალი კვების ობიექტებს, ადგილობრივ მეწარმეებს, საბავშვო და მუსიკალურ ღონისძიებებს უმასპინძლებს.

ანანო გომართელი – ფესტივალ „ქარავანის” აღმასრულებელი მენეჯერი:

„უკვე მეოთხე წელია, რაც „ქარავანი” არსებობს ორბელიანის მოედანზე. აქ თითქმის მთელი წლის განმავლობაში იმართება ხოლმე ქუჩის ფესტივალი, რომელიც ბევრ მიმართულებას აერთიანებს. ამჟამად კი ყველაზე მნიშვნელოვანი – საახალწლო „ქარავანი” დაიწყო. ამ დროს ყოველთვის გამორჩეულად ბევრი მონაწილე და ბევრი სტუმარი გვყავს. განსხვავებით წლის დანარჩენი პერიოდებისა, როცა „ქარავანი” მხოლოდ შაბათ-კვირას ეწყობა, საახალწლოდ ფესტივალი ყოველდღიურ სახეს იღებს. 22 დღის განმავლობაში აქ მოსულ სტუმრებს ყოველდღე განსხვავებული პროგრამა დახვდებათ. ასე რომ, ნებისმიერი გემოვნების ადამიანი იპოვის მისთვის საინტერესო აქტივობას.”

„ქარავანი” სტუმრებს ქართველი შემსრულებლების კონცერტებსაც სთავაზობს. ფესტივალი დათო ევგენიძემ გახსნა, რომელიც სცენაზე მეგობრებთან ერთად წარდგა.

დათო ევგენიძე: 

„ბედნიერი ვარ, როცა კონცერტებზე ბევრი ბავშვსა და ახალგაზრდას ვხედავ. დღეს ჩემი, ჩემი ბენდისა და მეგობრების კონცერტია და ძალიან მიხარია, რომ სწორედ ის თაობა გვისმენს, რომელმაც საქართველოს მომავალი უნდა შექმნას. დღეს ისინი ჩვენთან ერთად მღეროდნენ, ჩვენთან ერთად იდგნენ სცენაზეც. მინდა, საქართველოს ბედნიერი წელი და ბედნიერი მომავალი ვუსურვო ამ ბავშვებთან ერთად.”

საახალწლო „ქარავანი” ორბელიანის მოედანზე თბილისის მერიის მხარდაჭერით ეწყობა. ფესტივალი 13 იანვარს დასრულდება.

Share
Tweet
Share
Share
Share

წინა სტატია

ბაკურ ბურდული

ბაკურ ბურდულის სოლო კონცერტი „რუსტერში“

შემდეგი სტატია

ვიოლეტ გროლი Hanukkah Sessions-ზე, 2022 წელი

Foo Fighter-ის სოლისტის დეივ გროლის ქალიშვილმა ვიოლეტმა, ჯენის იენის სიმღერის At Seventeen-ის ქავერი შეასრულა

შეიძლება დაგაინტერესოთ

ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი

წინანდალში ბერლინის ფილარმონიული ორკესტრი „ევროპაკონცერტს” გამართავს

კონცერტი მაესტრო დანიელ ბარენბოიმის დირიჟორობით 2024 წლის 1-ელ მაისს წინანდლის ამფითეატრში გაიმართება. კონცერტში მონაწილეობას მიიღებს ქართველი მევიოლინე ლიზა ბათიაშვილი.
მეტი