Finneas არავის აძლევს უფლებას, თავისი დის ურთიერთობაზე ცუდად ისაუბრონ. TikTok-ის ვიდეოს კომენტარებში მუსიკოსი ბილი აილიშს შემოტევისგან იცავს, The Neighborhood-ის სოლისტ ჯეს რაზერფორდთან მისი ურთიერთობის გამო.
ერთ-ერთმა მომხმარებელმა Finneas-ის ვიდეოზე ასეთი კომენტარი გააკეთა: „შენი და 31 წლის კაცს ხვდება და შენი მუსიკაც ნაგავია.” მან კი უპასუხა: „მე მინდა, რომ ჩემი და ბედნიერად და უსაფრთხოდ იყოს. იგი 21 წლის ზრდასრული ადამიანია, რომელსაც იდეალურად შეუძლია, გადაწყვეტილებები თავად მიიღოს.”
Finneas-მა ბილი აილიშის რომანზე ნოემბერშიც ისაუბრა და თქვა: „სანამ იგი ბედნიერია, მეც ბედნიერი ვარ.”
Რაც შეეხება ბილი აილიშს, მან ჯეს რაზერფორდთან ურთიერთობის შესახებ ინფორმაცია ერთი თვის წინ გაამხილა: „ძალიან ბედნიერი და გახარებული ვარ. ცხოვრებაში იმ წერტილამდე მივედი, როცა ადამიანმა, რომელსაც ყველაზე კარგ ტიპად მივიჩნევდი, არა მხოლოდ მაღიარა, არამედ იგი ჩემით მოიხიბლა კიდეც. მეხუმრებით? მგონი, აპლოდისმენტებს ვიმსახურებ… მადლობა, ჯეს რაზერფორდ, ყველაფრისთვის.”
ნახეთ Finneas-ის ვიდეო
@gaybutboring #stitch with @finneas ♬ original sound – juliana
