8 იანვარს MONO HALL-ში თანამედროვე ქართული მუსიკალური სცენის გამორჩეული არტისტების – ნინი ნუცუბიძის, გიორგი გიგაშვილის და Janngo-ს კონცერტი გაიმართება. სამი ახალგზრდა ხელოვანის მუსიკალურ თანამშრომლობას ქართველი მსმენელი უკვე კარგად იცნობს. მათი შემოქმედება საავტორო ნამუშევრებთან ერთად ცნობილი კომპოზიციების ახლებურ, ექსპერიმენტული ჟღერადობის ქავერებს აერთიანებს.
გიორგი გიგაშვილი, იგივე GIGASH ჟენევის კონსერვატორიაში სწავლობს. ის კლასიკური მუსიკის პიანისტია და ამავდროულად ნინისთან და Janngo-სთან ერთად პოპ/ელექტრონულ მუსიკას ქმნის. Janngo (მარიამ ჯანჯღავა) ბოსტონში, ბერკლის სამუსიკო კოლეჯში ჯაზ კომპოზიციის ფაკულტეტის სტუდენტია. ნინი ნუცუბიძე კი ბერლინში, კატალისტის კრეატიული ხელოვნების და ტექნოლოგიის უნივერსიტეტში სწავლობს.
მუსიკოსებთან ერთად სცენაზე ნიკალას, მარიამ კუბანსკის და დათა მინჯიშვილს იხილავთ.
8 იანვარს MONO HALL-ში დაანონსებულ კონცერტს, ახალი თაობის ერთ-ერთი გამორჩეული არტისტი – DEENA გახსნის. 2022 წლის ნოემბერში, DEENA-მ მსმენელს სადებიუტო ალბომი, სახელწოდებით LOW LOVE წარუდგინა.
კონცერტის შესახებ დეტალები იხილეთ ბმულზე:
Nini Nutsubidze – GIGASH – Janngo – Tracks That Should’ve Been Written By Us
