ჯესი ჯეი ქალაქში ქაღალდის პარკებით დადის. მიზეზი ისაა, რომ 34 წლის პოპვარსკვლავი, რომელმაც ფანებს ახლახან გაუმხილა, რომ მალე დედა გახდება, პირველი ტრიმესტრის ტოკსიკოზს ებრძვის. ეს არც ისე გლამურული რეალობა მომღერალმა გამომწერებს ინსტაგრამის ვიდეოთი გაუზიარა.
„ვერც კი აგიხსნით, თავს იმდენად ცუდად ვგრძნობ,” – ამბობს ჯესი ჯეი ვიდეოში. „შეხედეთ ჩემს მდგომარეობას.”
თუმცა მომღერალმა მალევე მეორე ვიდეოც ატვირთა, რომელსაც დააწერა: „ბედნიერი, მადლობელი და აღტაცებული”. ამ ვიდეოში ბედნიერ ჯესი ჯეის ვხედავთ, რომელიც იღიმის, სიმღერებს წერს და თავის მუცელს გვაჩვენებს.
ჯესი ჯეიმ სულ რამდენიმე დღის წინ გაამხილა, რომ მალე დედა გახდება. „Ძალიან ბედნიერი და შეშინებული ვარ. გთხოვთ, სიკეთე გამოიჩინეთ ჩემ მიმართ,” – წერდა მომღერალი სოციალურ ქსელში.
ჯესი ჯეი ერთხელ უკვე იყო ფეხმძიმედ, თუმცა 2021 წელს მას მუცელი მოეშალა. მაშინ ვარსკვლავი ამბობდა, რომ ერთადერთი, რაც სურდა, დედობა იყო. „ორსულობა სასწაულია. საოცარი გრძნობაა, რომელიც არ დამავიწყდება და ვიცი, რომ მას კიდევ გამოვცდი.”
ნახეთ ფეხმძიმე ჯესი ჯეის ვიდეოები
