სემ სმითის თქმით, რიანას და მადონას დანახვისას ნამდვილი ფანივით ღელავს

დაანონსებული სტუდიური ალბომის გამოცემის წინ, სემ სმითი The Tonight Show-ს ესტუმრა.

სემ სმითი თანამედროვე მუსიკალური ინდუსტრიის ერთ-ერთი ყველაზე წარმატებული ვარსკვლავია. არტისტს ოთხი „გრემი“, BRIT-ის სამი ჯილდო, „ოქროს გლობუსი“ და „ოსკარი“ აქვს  მოპოვებული. სმითი  ჯეიმს ბონდის ერთ-ერთი ფილმის მუსიკალური თემის ავტორიც არის. ამ  თვის ბოლოს კი, მისი მეოთხე სტუდიური ალბომი გამოვა. 

მიუხედავად ამისა, როგორც აღმოჩნდა, სემ სმითისათვის რიანასა და მადონას დანახვა ძალიან ამაღელვებელია. 

თუ რიანას, ან მადონას ვხედავ, ძირს ვეცემი“ – გაამხილა სემ სმითმა ჯიმი ფელონთან ინტერვიუს დროს. 

მომღერალმა საყვარელ ვარსკვლავებზე საუბრისას ლედი გაგაც ახსენა. სმითმა გაიხსენა, რომ წარსულში სკოლა გააცდინა, რათა გაგას Monster Ball Tour-სთვის ეყურებინა. 

2022 წლის დეკემბერში სემ სმითი თეთრ სახლში მუსიკალური ნომრის შესასრულებლად მიიწვიეს. საუბარია ოფიციალურ ცერემონიაზე, როცა ჯო ბაიდენმა „ქორწინების პატივისცემის აქტს“ ხელი მოაწერა. აღნიშნული კანონით, შეერთებული შტატების ხელისუფლებას ერთი სქესისა და განსხვავებული რასის წარმომადგენელთა ქორწინების დაცვა ქვეყნის მასშტაბით ევალება.

ხელმოწერის ცერემონიაზე სმითმა კომპოზიცია, სახელწოდებით Stay With Me შეასრულა. როგორც ვარსკვლავმა აღნიშნა, თეთრ სახლში მყოფმა ოფიციალურმა პირებმა დიდი კეთილგანწყობა გამოავლინეს. „მე და ჩემს გუნდს ყველა ძალიან თბილად და კეთილად გვეპყრობოდა“ – აღნიშნა სმითმა ინტერვიუს დროს.

მომღერალმა ასევე გაამხილა, რომ როგორც ბრიტანელს, თეთრ სახლში ოფიციალურ წარდგენაზე არასდროს უოცნებია. „ძალიან კარგი დღე იყო. ჩვენი თემის წარმომადგენელთა დასაცავად, ეს სწორად გადადგმული დიდი ნაბიჯია. “ – თქვა მომღერალმა.

Tonight Show-ში ვარსკვლავმა დაანონსებულ დისკზე ისაუბრა. სემ სმითის სტუდიური ალბომი, სახელწოდებით Gloria, 27 იანვარს გამოვა. მომღერალმა ალბომის სახელსა და ამავე სახელწოდების სიმღერაზე საუბრისას განმარტა, რომ მათი შინაარსი შინაგან ძალას უკავშირდება. „ეს არის ძალა, რომელიც მეუბნება „არ გაჩერდე, შენ ამას შეძლებ, ასე გააგრძელე“. ეს თითქოს მებრძოლი სულია, რომელიც ჩემში ცოცხლობს“ – აღნიშნა სმითმა.

ალბომიდან რამდენიმე სიმღერა უკვე გამოქვეყნდა, მათ შორის არის კომპოზიციები Unholy და Gimme. ცნობილია, რომ მალე ახალი მუსიკალური ვიდეოც გამოვა. 

Gloria-ს გამოცემის შემდეგ, აპრილში მომღერალი ალბომის მხარდასაჭერ საკონცერტო ტურნეს იწყებს. 
ნახეთ Tonight Show-ში სემ სმითის სტუმრობის ამსახველი ვიდეო:

Share
Tweet
Share
Share
Share

წინა სტატია

კრისი ტეიგენი და ჯონ ლეჯენდი ახალშობილი გოგონას სახელსა და მის პირველ ფოტოს აზიარებენ: „ნეტარებაში ვართ”

შემდეგი სტატია

პამელა ანდერსონის თქმით, ტომი ლისთან ურთიერთობის მადლობელია

შეიძლება დაგაინტერესოთ

ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი

წინანდალში ბერლინის ფილარმონიული ორკესტრი „ევროპაკონცერტს” გამართავს

კონცერტი მაესტრო დანიელ ბარენბოიმის დირიჟორობით 2024 წლის 1-ელ მაისს წინანდლის ამფითეატრში გაიმართება. კონცერტში მონაწილეობას მიიღებს ქართველი მევიოლინე ლიზა ბათიაშვილი.
მეტი