კვებით აშლილობაზე ღიად საუბრის გამო, ლედი გაგა ტეილორ სვიფტს მამაცს უწოდებს

სვიფტმა ამ თემაზე საუბარი 2020 წლის დოკუმენტურ ფილმში „მის ამერიკა” დაიწყო.
ლედი გაგა გრემის 64-ე დაჯილდოებაზე
Axelle/Bauer-Griffin/FilmMagic

მას შემდეგ რაც TikTok-ზე სვიფტის ერთ-ერთმა ფანმა მისი ვიდეო ატვირთა დოკუმენტური ფილმიდან „მის ამერიკა”, ლედი გაგამ მასზე კომენტარი დატოვა. იგი აქებს სვიფტს ისეთ რთულ თემაზე საუბრისთვის, როგორიცაა კვებითი აშლილობა.

ვიდეოში სვიფტი იხსენებს, თუ როგორ ჭამდა ძალიან ცოტას და ვარჯიშობდა ძალიან ბევრს იმისთვის, რომ შეენარჩუნებინა სხეულის ის წონა, რასაც იგი ახლა არაჯანსაღს უწოდებს. 

„ბევრად ბედნიერი ვარ იმით, ვინც ახლა ვარ. აღარ ვღელავ, თუ ვინმე მიმითითებს, რომ წონაში მოვიმატე. ჩემს ცხოვრებას უკეთესს ხდის ის ფაქტი, რომ 00-ის ნაცვლად ახლა 6 ზომა ვარ. ჩემი სხეული არ უნდა ყოფილიყო ისეთი, როგორიც ადრე იყო. უბრალოდ იმ დროს ამას ვერ ვხვდებოდი. ძალიან ბევრს ვვარჯიშობდი, მაგრამ არ ვჭამდი. ყოველთვის ეჯახები სილამაზის გარკვეულ სტანდარტებს. ეს შეუძლებელია.”

იმ ათასობით ადამიანს შორის, ვინც ვიდეოს კომენტარებში სვიფტს მხარს უჭერს, ერთ-ერთი, არც მეტი, არც ნაკლები, ლედი გაგაა. „ძალიან დიდი სიმამაცეა ეს ყველაფერი, რაც შენ თქვი,” – წერს მომღერალი. 

ეს თემა ორივე მუსიკოსისთვის ნაცნობია. 2012 წელს ლედი გაგამ ისაუბრა, რომ 15 წლიდან ანორექსიასა და ბულიმიას ებრძოდა.

ნახეთ ტეილორ სვიფტის ვიდეო TikTok-ზე და ლედი გაგას კომენტარი

@angclswift this scene always breaks my heart.💔 | #taylorswift #swifttok ♬ suono originale – angclswift
Share
Tweet
Share
Share
Share

წინა სტატია

სინდი ლოპერი ამბობს, რომ „გოგონებს გართობა უნდათ” სინამდვილეში ნიშნავდა: „გოგონებს სექსი უნდათ”, ამიტომ მან სიმღერას ახალი სიცოცხლე შესძინა

შემდეგი სტატია

Axl Rose ლიზა მარი პრესლის ხსოვნას ემოციურ სიტყვასა და November Rain-ს უძღვნის

შეიძლება დაგაინტერესოთ

ქართული მუსიკალური სივრცეები, ფესტივალები და კოლექტივები ერთობლივ განცხადებას ავრცელებენ

„გვჯერა, რომ ნებისმიერ სფეროში დამყარებულ პროფესიულ და მეგობრულ კავშირებს, თავისი წვლილი შეაქვს საქართველოს ისტორიულად მთავარი, და კონსტიტუციურად დაცული მიზნის მიღწევაში,”- ვკითხულობთ განცხადებაში.
მეტი

საქართველოს დამოუკიდებლობის დღესთან დაკავშირებით ნიუ-იორკის ჯაზ-კლუბ Nublu-ში ხონძი და მისი მეგობრები კონცერტს გამართავენ

26 მაისს, საქართველოს დამოუკიდებლობის დღესთან დაკავშირებით, ამერიკის ქალაქ ნიუ-იორკში ქართველი მუსიკოსებისა და მათი მეგობრების კონცერტი გაიმართება. ღონისძიებაზე საქსოფონისტის…
მეტი