დოკუმენტური ფილმი მადონაზე, რომლის რეჟისორიც თავადაა, ამ ეტაპზე Universal Pictures-ში შეჩერებულია.
მადონას წარმომადგენლებმა გაამხილეს, რომ სუპერვარსკვლავი ამჟამად მის ახლად დაანონსებულ მსოფლიო ტურნეზეა ფოკუსირებული, თუმცა ფილმის გამოშვებას რაღაც ეტაპზე მაინც გეგმავს. მასშტაბურ ტურნეს მომღერალი მისი ჰიტების 40 წლის იუბილეს აღსანიშნავად აწყობს. ტურნე 15 ივლისს დაიწყება და პირველ დეკემბერს დასრულდება.
ფილმი, რომელიც პირველად 2020 წელს დაანონსდა, მადონას ცხოვრებასა და კარიერაზე უნდა ყოფილიყო. ამბობდნენ, რომ მადონას როლის შესრულება მსახიობ ჯულია გარნერს შესთავაზეს. მაშინ გავრცელდა ინფორმაცია, რომ გარნერს დიდი პროცესის გავლა მოუწია, რაც მოიცავდა ქორეოგრაფიულ გაკვეთილებს მადონას ქორეოგრაფთან და სიმღერისა და კითხვის კლასებს, რომელსაც თვითონ მადონა უძღვებოდა. ფილმი მომღერალს თავადვე უნდა გადაეღო.
„მიზეზი, რის გამოც ამას ვაკეთებ, ის არის, რომ ბევრი ადამიანია, ვინც ჩემზე ფილმების გადაღებას ცდილობს. მაგრამ ყოველთვის ყველა მათგანი კაცია” – თქვა მადონამ ჯიმი ფელონთან ღამის შოუში სტუმრობისას. ჟურნალ Variety-სთან საუბარში კი კითხვაზე, თუ რატომ გადაწყვიტა დოკუმენტური ფილმის გადაღება, მომღერალმა ასე უპასუხა: „ექსტრაორდინარული ცხოვრება მქონდა და ექსტრაორდინარული ფილმი უნდა გადავიღო.”
