პარიზის მოდის კვირეულზე ეფლ მარტინის დებიუტი შედგა. მარტინის და პელტროუს ქალიშვილი Chanel-ის ოტ კუტიურ კოლექციის წარდგენას ოფიციალურად მიწვეული სტუმრის სტატუსით ესწრებოდა.
18 წლის ეფლს შანელისათვის დამახასიათებელი დიზაინის ელეგანტური ორეული ეცვა და ასევე მოდის სახლის ჩანთა ეკავა. შოუს მსვლელობისას, ეფლი ფილმ Bohemian Rhapsody-ის მსახიობ ლიუსი ბოინტონისა და Stranger Things-ის ვარსკვლავ სეიდი სინკის გვერდით იჯდა.
ეფლ მარტინს 18 წელი 2022 წელს შეუსრულდა. გვინეტ პელტროუ ამ თარიღს სოციალურ ქსელში გამოქვეყნებული პოსტით გამოეხმაურა:„18 წელი. დილიდან სიტყვებს ვერ ვპოულობ” – წერდა პელტროუ – „ვამაყობ, რომ ასეთ ქალად იქეცი. შენ ყველაფერი ხარ, რაზეც ოდესმე შემეძლო მეოცნება და ამაზე მეტიც. სიამაყე არ არის საკმარისი სიტყვა, ჩემი გული სავსეა გრძნობებით, რომლებსაც სიტყვებით ვერ აღვწერ. შენ არაჩვეულებრივი ხარ. დაბადების დღეს გილოცავ ჩემო ძვირფასო გოგონა. იმედი მაქვს იცი, რამდენად განსაკუთრებული ხარ.”
