ედ შირანი სოციალურ მედიას ინსტაგრამზე გამოქვეყნებული ვიდეოთი დაუბრუნდა.
„მოგესალმებით ყველას. გავაცნობიერე, რომ ბოლო წლების განმავლობაში სოციალურ მედიაში ჩართული არ ვიყავი და თაყვანისმცემლებს ონლაინ არ ვეკონტაქტებოდი. მასალა, რომელიც ქვეყნდებოდა ამ ანგარიშზე, შესაძლოა, მოსაწყენი ყოფილიყო თქვენთვის. ვწუხვარ, ეს ჩემი ბრალია“ -თქვა შირანმა ვიდეო მიმართვისას – „მიზეზი, რატომაც ამ ვიდეოს ვწერ, არის ის, რომ მინდა თქვენთან გულწრფელი ვიყო. პირად ცხოვრებაში გარკვეული სირთულეები მქონდა. სწორედ ამის გამო არ მინდოდა ინტერნეტ სივრცეში ვყოფილიყავი” – აღნიშნა მომღერალმა.
Პოპ ვარსკვლავი თაყვანისმცემლებს დაჰპირდა, რომ სოციალური ქსელის მეშვეობით, მათთან კომუნიკაცია ხშირად ექნება .
ედ შირანი ცნობილი არტისტების იმ კატეგორიას მიეკუთვნება, რომლებმაც სოციალური ქსელების გამოყენებაზე უარი თქვეს. შირანმა თავისი ოფიციალური ანგარიშები არ გააუქმა, თუმცა მართვა მენეჯმენტის გუნდს გადააბარა.
ნახეთ ედ შირანის ვიდეო, რომელიც მომღერალმა ინსტაგრამზე გამოაქვეყნა.