გამოცემა Esquire-თან ინტერვიუში მსახიობმა ეშტონ კატჩერმა გაამხილა, რომ ერთ-ერთ წვეულებაზე ჰარი სტაილსი ვერ იცნო. როგორც კატჩერმა აღნიშნა, იგი და მილა კუნისი სტაილსს მეზობლის სახლის წვეულებაზე შეხვდნენ.
„ჩვენს მეზობლად ცნობილი მომღერალი ცხოვრობდა .ერთხელ მან კარაოკე წვეულება გამართა, რომელზეც მე და მილაც ვიყავით მიწვეული. ერთ-ერთმა სტუმარმა ABBA-ს სიმღერის შესრულება დაიწყო. როდესაც დაასრულა და სცენიდან ჩამოვიდა, მე და მილა მივუახლოვდით და ვუთხარი – „ძალიან კარგი იყავი“ მან კი მიპასუხა – „მადლობა, ამას ძალიან ვაფასებ“ – გაიხსენა ეშტონ კატჩერმა, თუმცა ნახსენები ცნობილი მეზობლის ვინაობა არ დააკონკრეტა.
მსახიობის თქმით, მოგვიანებით, მან და მილა კუნისმა მოულოდნელად აღმოაჩინეს, რომ წვეულებაზე ABBA-ს შემსრულებელი სტუმარი ჰარი სტაილსი იყო.
„ის პროფესიონალი მომღერალია, ჩვენ კი ვუთხარით, რომ კარგად იმღერა. თავს სულელად ვგრძნობ. Ჰარი სტაილს, მინდა ბოდიში მოგიხადო, თუმცა კარაოკეში მართლაც ძალიან კარგი ხარ.“- თქვა ეშტონ კატჩერმა.
აღსანიშნავია, რომ ეს ინტერვიუ ჰარი სტაილსის დაბადების დღის წინა დღეს გამოქვეყნდა. პირველ თებერვალს, პოპ მომღერალი 29 წლის გახდა.
ნახეთ ვიდეო, რომელშიც ეშტონ კატჩერი ჰარი სტაილსთან დაკავშირებულ ისტორიას ჰყვება:
