მაიკლ ჯექსონის ძმისშვილი ჯაფარ ჯექსონი პოპის მეფის – მაიკლ ჯექსონის როლზე დაინიშნა. კომპანია Lionsgate-ის მომავალი ბიოგრაფიული ფილმი მაიკლ ჯექსონის ცხოვრების შესახებ მოგვიყვება, ფილმი ანტუან ფუკოს რეჟისორობით გამოვა.
“სიამაყით ვაცხადებ @jaafarjackson-ს როგორც მაიკლს. ეს იქნება ფილმი ადამიანზე, რომელიც პოპის მეფე გახდა.” თქვა ანტუან ფუკომ ინსტაგრამზე გამოქვეყნებულ ფოტოს აღწერაში.
ფილმი მუსიკოსის ცხოვრებასა და კარიერის შესახებ მოგვითხრობს. ჯერჯერობით ინფორმაცია ფილმის გამოსვლის თარიღთან დაკავშირებით უცნობია.
“ჯაფარი ჩემს შვილს განასახიერებს, საოცარია იმის ყურება თუ როგორ აგრძელებს იგი ჯექსონის მემკვიდრეობას, როგორც მომღერალი და როგორც შემსრულებელი”. – თქვა მაიკლ ჯექსონის დედამ კეტრინ ჯექსონმა – The Hollywood Reporter-თან საუბარში.
მაიკლ ჯექსონი 2009 წლის 25 ივლისს ორმოცდაათი წლის ასაკში გარდაიცვალა.
