2023 წლის „გრემის“ დაჯილდოებაზე მუსიკალური ნომრით ჰარი სტაილსი წარდგა. მომღერალმა თავისი ჰიტი – As It Was შეასრულა. სტაილსმა შოუ მოცეკვავეების ჯგუფთან ერთად დაიწყო. ისინი წრიულად მოძრავ სცენაზე გამოჩნდნენ.
ქორეოგრაფიულ გაფორმებასთან ერთად, განსაკუთრებით ეფექტური იყო ჰარი სტაილსის ვერცხლისფერი კაშკაშა სასცენო კოსტიუმი, რომელიც შოუს დინამიკურობას მატებდა. ჰარი სტაილსის მუსიკალურ ნომერს აუდიტორიის დიდი ოვაციები მოჰყვა.
გარდა მუსიკალური შესრულებისა, მომღერალმა გრემიც მიიღო. Harry’s House გამარჯვებულად წლის ალბომის და საუკეთესო ვოკალური პოპ ალბომის კატეგორიაში დასახელდა.
2023 წლის „გრემის“ მუსიკალური დაჯილდოების გამარჯვებულთა სრული სია იხილეთ აქ.
