კიმ პეტრასმა 2023 წლის „გრემის“ მუსიკალურ დაჯილდოებაზე ისტორიული გამარჯვება მოიპოვა. მან ოქროს გრამოფონი სემ სმითთან ერთად შესრულებული სიმღერის, Unholy-სათვის დაიმსახურა. ამ გამარჯვებით, კიმ პეტრასი პირველი ტრანსგენდერი ქალი გახდა, ვინც პოპ დუეტის/ჯგუფის საუკეთესო შესრულებისათვის „გრემი“ მიიღო.
„დიდი მადლობა ყველას. ეს ჩემთვის დაუჯერებელი მოგზაურობა იყო. სემს სურდა, ჯილდო მე მიმეღო, რადგან პირველი ტრანსგენდერი ქალი ვარ, რომელმაც „გრემი“ მოიგო. მინდა, მადლობა გადავუხადო იმ ტრანსგენდერ ლეგენდებს, ვინც ჩემამდე ეს კარი შეაღეს და შესაძლებლად აქციეს, რომ ამაღამ აქ ვმდგარიყავი.
კიმ პეტრასმა თავის სიტყვაში პატივი მიაგო მუსიკოს Sophie-ს – არტისტს, რომელიც 2021 წლის იანვარში 34 წლის ასაკში გარდაიცვალა.
„ჩემი მეგობარი სოფი, რომელიც ორი წლის წინ გარდაიცვალა, მუდამ მეუბნებოდა, რომ ეს დღე დადგებოდა და ჩემი ყოველთვის სჯეროდა. გაღმერთებ და მუდამ ინსპირაცია იქნები ჩემი მუსიკისათვის.“ – თქვა პეტრასმა. მომღერალმა LGBTQ+ თემის უფლებების მხარდაჭერისათვის განსაკუთრებულად მოიხსენია მადონა. „ვფიქრობ, მადონას გარეშე აქ ვერ ვიქნებოდი“ – აღნიშნა კიმ პეტრსმა.
2023 წლის „გრემის“ მუსიკალური დაჯილდოების გამარჯვებულთა სრული სია იხილეთ აქ.
