მსახიობი ვუდი ჰარელსონი Saturday Night Live-ის ახალ ეპიზოდს წაიყვანს, მუსიკალური სტუმარი კი ჯეკ უაიტი იქნება. ცნობილი სკეტჩ შოუ ტელეარხ NBC-ის ეთერში 25 თებერვალს გავა. ჰარელსონმა SNL წარსულშიც არაერთხელ წაიყვანა. მსახიობი აუდიტორიის წინაშე წამყვანის ამპლუაში 1989, 1992, 2014 და 2019 წლებში წარდგა.
ჰარელსონის მსგავსად, ეს ეპიზოდი ჯეკ უაიტისთვისაც Saturday Night Live-ში მეხუთე გამოჩენაა. უაიტმა სკეტჩ შოუში მონაწილეობა ბოლოს 2020 წელს მიიღო. მან ქანთრის მომღერალი მორგან უალენი ჩაანაცვლა, რომელმაც COVID-19-თან დაკავშირებული პროტოკოლი დაარღვია.
აღსანიშნავია, რომ 2022 წელს ჯეკ უაიტმა ორი მუსიკალური ალბომი – Fear of the Dawn და July’s Entering Heaven Alive გამოუშვა. ამასთანავე, მუსიკოსის ყოფილი ბენდი, სახელწოდებით The White Stripes „როკ-ენ-როლის დიდების დარბაზის” 2023 წლის ნომინანტებს შორისაა.
ნახეთ ჯეკ უაიტის პოსტი, რომლითაც მუსიკოსმა SNL-ში სტუმრობა დააანონსა:
