SZA-ს დედის თქმით, ბედნიერია, რომ არტისტმა მას არ მოუსმინა და საკუთარ ოცნებებს მიჰყვა

„ნეტავ, მაშინ ის მცოდნოდა, რაც ახლა ვიცი – ეს არის საკუთარი შვილის სურვილების მოსმენა და მხარდაჭერა.“ – თქვა ოდრი როუმ ქალიშვილზე საუბრისას.

New York Times-მა მუსიკოს SZA-ს შესახებ ვრცელი სტატია გამოაქვეყნა. სტატიაში არტისტმა შემოქმედებით  წარმატებასა და პოპულარობის მოპოვებაზე დეტალურად ისაუბრა. როგორც SZA-მ თქვა, ყველაფერი „დელავერის სახელმწიფო უნივერსიტეტში“ ყოფნისას დაიწყო, სადაც სწავლას საზღვაო ბიოლოგიის განხრით აპირებდა.

ყოველდღე მალიბუს ვსვამდი, მარიხუანას ვეწეოდი და მეძინა.“ – თქვა   SZA-მ კოლეჯში სწავლის პერიოდის გახსენებისას. არტისტმა აღნიშნა, რომ მალევე სწავლა მიატოვა და ნიუ ჯერსიში, მშობლიურ ქალაქში დაბრუნდა. როგორც SZA-მ გაამხილა, თავისი ასაკის შესახებ იტყუებოდა, რათა ბარმენად ემუშავა და ნიუ ჯერსისა და ნიუ იორკის სტრიპტიზ კლუბებში ცეკვა შესძლებოდა.  საბოლოოდ, უფროსმა დამ მისი საქმიანობის შესახებ გაიგო და ყველაფერი დედას შეატყობინა. 

როდესაც დედაჩემის სურვილს არ მივყევი და კოლეჯი მივატოვე, მან მიმანიშნა, რომ სახლიდან უნდა წავსულიყავი. ნაცნობების დივანზე მეძინა, უმიზნოდ ვიყავი. ამან საშინელ დეპრესიაში ჩამაგდო, თუმცა ამავდროულად ჩემში ცეცხლი აანთო.“ – აღნიშნა 33 წლის მომღერალმა.

წარსულზე საუბრისას, არტისტის დედა მომხდარს დადებითად აფასებს და მადლიერია, რომ SZA საკუთარ ოცნებებს მიჰყვა. „ნეტავ, მაშინ ის მცოდნოდა, რაც ახლა ვიცი – ეს არის საკუთარი შვილის სურვილების მოსმენა და მხარდაჭერა. ძალიან რთულია საკუთარ ოცნებებს მივყვეთ. უამრავმა ჩვენგანმა მათზე უარი ადრეულ ასაკში ვთქვით. ეს მაშინ ხდება, როცა ადამიანები, რომლებსაც პატივს ვცემთ, გვიყვარს და ვენდობით, ფიქრობენ, რომ რაიმე სხვა უნდა ვაკეთოთ. მიხარია, რომ მან (SZA-მ)  მე არ მომისმინა“. – თქვა SZA-ს დედამ, ოდრი როუმ,  NYT-თან საუბრისას . 

SZA-მ ალბომი, სახელწოდებით S.O.S. ახლახან  გამოსცა. ნამუშევარმა  Billboard 200-ის ჩარტებში პირველი ადგილი მომენტალურად დაიკავა.

Share
Tweet
Share
Share
Share

წინა სტატია

ორიგინალური კონცეფციის ახალი მუსიკალური ვიდეო „მგზავრებისგან“

შემდეგი სტატია

ტეილორ სვიფტმა Lavender Haze-ის გარემიქსებული ვერსია გამოუშვა

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი