ტეილორ სვიფტმა ახალი ალბომის, Midnights-ის გამხსნელი ტრეკის – Lavender Haze-ის რემიქსი გამოუშვა. გარემიქსებული ვერსია სიმღერის ოფიციალური მუსიკალური ვიდეოს გამოქვეყნებიდან, ორი კვირის შემდეგ გამოვიდა. აღსანიშნავია, რომ კლიპის რეჟისორი თავად ტეილორ სვიფტია. მომღერალთან ერთად, ვიდეოში მოდელი და ტრანს აქტივისტი, ლეით ეშლი მონაწილეობს.
Lavender Haze-ის ორიგინალური ვერსიის შექმნისას ტეილორ სვიფტმა რამდენიმე არტისტთან ითანამშრომლა. სვიფტთან ერთად, სიმღერის თანაავტორები არიან: ჯეკ ენტონოფი, მარკ ენტონი სპირსი, იაჰან აკილ სვიტი, სემ დიუ და მსახიობი ზოი კრავიცი.
ალბომით სახელწოდებით Midnights, ტეილორ სვიფტმა Billboard Hot 100-ის ჩარტების ისტორიაში რეკორდი მოხსნა. ის პირველი არტისტი გახდა, რომელმაც ერთი და იმავე ალბომის სიმღერებით ტოპ ათი პოზიცია დაიკავა. Lavender Haze მეორე ადგილს იკავებდა, ხოლო პირველს – Anti-Hero.
მოუსმინეთ Lavender Haze-ის გარემიქსებულ ვერსიას:
