ბრაიან უილსონი, კეროლ ბეიერ სეიჯერი და სხვები ბერტ ბაკარაკის გარდაცვალებას ეხმაურებიან: „მისი სიმღერები სამუდამოდ იცოცხლებს.”

მუსიკალურმა ინდუსტრიამ ერთ-ერთი საუკეთესო პოპ კომპოზიტორი დაკარგა. ბერტ ბაკარაკი 8 თებერვალს ლოს ანჯელესში, საკუთარ სახლში გარდაიცვალა. კომპოზიტორის მეგობრები სოციალურ ქსელებში სამძიმრის წერილებს აქვეყნებენ. 

ბაკარაკის ყოფილმა მეუღლემ, კომპოზიტორმა კეროლ ბეიერ სეიჯერმა ინსტაგრამზე მათი ქორწინების პერიოდის ფოტოების სერია გაავრცელა და დაწერა: „დიდი ადამიანი, დიდი კომპოზიტორი და ბოლოს – მზრუნველი მეგობარი. მე და კრისტოფერი მადლობლები ვართ თქვენგან წამოსული სიყვარულისთვის. შენ იქ დიდი როიალი გექნება, ბერტ, და ისევ შეძლებ, თავისუფლად დაუკრა ყოველი ნოტი. მშვიდად განისვენე და იცოდე, თუ რამდენად შეეხო შენი მუსიკა სამყაროს და რამდენად შეეხო შენი ცხოვრება ჩვენსას. კეროლი და კრისი.” 

Beach Boys-ის თანადამფუძნებელმა ბრაიან უილსონმა ტვიტერზე დაწერა: „ძალიან დამწუხრებული ვარ. ბერტი ჩემი გმირი იყო და ჩემს შემოქმედებაზე ძალიან დიდი გავლენა იქონია. ის მუსიკალური ინდუსტრიის გიგანტი იყო. მისი სიმღერები სამუდამოდ იცოცხლებს.” 

დიონ ვორვიკი, რომელსაც კომპოზიტორთან ახლო ურთიერთობა ჰქონდა, ამბობს, რომ ბაკარაკის გარდაცვალება მისთვის ოჯახის დაკარგვასავით იყო. „ნათელ მხარეს ჩვენ ბევრს ვიცინოდით და გვქონდა ჩვენი დაპირისპირებებიც, თუმცა ყოველთვის ვპოულობდით გზას, გვეჩვენებინა ერთმანეთისთვის, რომ ჩვენი ოჯახი, როგორც ჩვენი ფესვები, ყველაზე მნიშვნელოვანი ნაწილი იყო ჩვენს ურთიერთობაში. თანავუგრძნობ მის ოჯახს. მომენატრება.”

ბაკარაკის შემოქმედება ისეთ ჰიტებს მოიცავს, როგორებიცაა Alfie, Walk on By, Promises, Promises, Raindrops Keep Fallin’ on My Head, What the World Needs Now is Love და სხვები.

ნახეთ მუსიკოსების პოსტები ბერტ ბაკარაკის გარდაცვალებასთან დაკავშირებით:

View this post on Instagram

A post shared by Carole Bayer Sager (@carolebayersager)

I’m so sad to hear about Burt Bacharach. Burt was a hero of mine and very influential on my work. He was a giant in the music business. His songs will live forever. Love & Mercy to Burt’s family. pic.twitter.com/yYGY3bGNSw

— Brian Wilson (@BrianWilsonLive) February 9, 2023

Farewell Genius.. RIP #BurtBacharach pic.twitter.com/cBifd5j2nf

— Simply Red (@SimplyRedHQ) February 9, 2023

One of the greatest songwriting legacies in the history of ever. Farewell Burt Bacharach, you were a king pic.twitter.com/c5FCijQWb9

— Tim Burgess (@Tim_Burgess) February 9, 2023

Peace and love, Burt Bacharach. ❤️ pic.twitter.com/phUcaESSwV

— Susanna Hoffs (@SusannaHoffs) February 9, 2023