არსებობს თეორიული შესაძლებლობა, რომ ვოლოდიმირ ზელენსკი 2024 წლის „გრემის“ მუსიკალური დაჯილდოების ნომინანტი გახდეს

უკვე არსებობს პრეცედენტი, როცა მსოფლიო ლიდერმა „გრემის“ ნომინაცია მიიღო. საბჭოთა კავშირის ყოფილმა ლიდერმა, მიხეილ გორბაჩოვმა ამერიკის ხმის ჩამწერი აკადემიის ჯილდო 2004 წელს მოიპოვა.


2022 წლის 3 აპრილს, „გრემის“ 64-ე მუსიკალურ დაჯილდოებაზე, უკრაინის პრეზიდენტმა ვოლოდიმირ ზელენსკიმ ყველასათვის მოულოდნელად აუდიტორიას ვიდეოჩართვის მეშვეობით მიმართა. ამ დროს რუსეთის უკრაინაში შეჭრიდან, სამ კვირაზე ნაკლები იყო გასული. მომავალ წელს, „გრემის“ 66-ე დაჯილდოებაზე ზელენსკიმ შესაძლებელია უფრო დიდი როლი შეასრულოს და ცერემონიაზე ნომინანტის სტატუსით იყოს წარმოდგენილი. უკრაინის პრეზიდენტის შესაძლო ნომინაცია დაკავშირებულია მომღერალ ბრედ პეისლის ახალ კომპოზიციასთან, სახელწოდებით Same Here. 

პეისლიმ ეს სიმღერა 24 თებერვალს, ომის დაწყებიდან ერთი წლის თავზე გამოუშვა. Სიმღერის დასასრულს მომღერლისა და ზელენსკის დიალოგი ისმის, რომელიც მათი ვიდეო ზარისას არის ჩაწერილი. ვოლოდიმირ ზელენსკი საუბრობს, თუ როგორ სურთ უკრაინელებს მშვიდობა.

„ხმის ჩამწერი აკადემია“ ადასტურებს, რომ ზელენსკი „გრემის“ მუსიკალურ დაჯილდოებაზე იმ შემთხვევაში იქნება რეალური კანდიდატი, თუ კომპოზიცია ნომინირებული იქნება. გამარჯვებისათვის ყველაზე ლოგიკური არჩევანია კატეგორია, რომელიც დუეტის/ჯგუფის მიერ ქანთრის საუკეთესო შესრულებას გულისხმობს.   

უკვე არსებობს პრეცედენტი, როცა მსოფლიო ლიდერმა „გრემის“ ნომინაცია მიიღო. საბჭოთა კავშირის ყოფილმა ლიდერმა, მიხეილ გორბაჩოვმა ამერიკის „ხმის ჩამწერი აკადემიის“ ჯილდო 2004 წელს მოიპოვა. მას „გრემი“ ბავშვებისათვის განკუთვნილი ალბომისათვის გადაეცა. გორბაჩოვმა აღნიშნულ ნომინაციაში ბილ კლინტონთან და სოფი ლორენთან ერთად გაიმარჯვა. 

რაც შეხება ბრედ პეისლის კომპოზიციას Same Here, მასში უშუალოდ უკრაინა ნახსენები არ არის. სიმღერის თემა ადამიანების ერთმანეთთან მსგავსებაა, მიუხედავად დისტანციისა და სხვადასხვა ენაზე საუბრისა. 

„ვფიქრობ, მას ესმის, რომ ხელოვნება ის საშუალებაა, რითაც ადამიანების უმრავლესობას ხმას მიაწვდენ და მათ გულში შეაღწევ“ – აღნიშნა პეისლიმ The Associated Press-თან ინტერვიუში ზელენსკიზე საუბრისას. როგორც მომღერალმა განმარტა, ზელენსკიმ კომპოზიციის ჩაწერაში არა მხოლოდ მონაწილეობა მიიღო, არამედ გარკვეული ცვლილებების შესახებ ინიციატივაც გამოთქვა.

როგორც პეისლიმ განაცხადა, სიმღერიდან მიღებულ ჰონორარს ომით დაზარალებული უკრაინელების დასახმარებელ ორგანიზაცია –  United24-ს გადასცემს. ბრედ პეისლიმ სიმღერა ლი თომას მილერთან ერთად დაწერა. აღსანიშნავია, რომ მილერი პეისლის არა ერთი ჰიტის თანაავტორია.

ბრედ პეისლი  „ხმის ჩამწერმა აკადემიამ“ ნომინანტად 18-ჯერ წარადგინა. არტისტს სამი „გრემის“ ჯილდო აქვს მიღებული.

Share
Tweet
Share
Share
Share

წინა სტატია

სელენა გომესს ინსტაგრამის მომხმარებელ ქალებს შორის, ყველაზე მეტი გამომწერი ჰყავს

შემდეგი სტატია

რიანა 2023 წლის „ოსკარზე“ იმღერებს

შეიძლება დაგაინტერესოთ

ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი

წინანდალში ბერლინის ფილარმონიული ორკესტრი „ევროპაკონცერტს” გამართავს

კონცერტი მაესტრო დანიელ ბარენბოიმის დირიჟორობით 2024 წლის 1-ელ მაისს წინანდლის ამფითეატრში გაიმართება. კონცერტში მონაწილეობას მიიღებს ქართველი მევიოლინე ლიზა ბათიაშვილი.
მეტი