მომღერალი Halsey პარიზის მოდის კვირეულის ფარგლებში მოდელის სტატუსით წარდგა.
„პარიზის მოდის კვირეულის ჩვენებაზე პირველად გავიარე“ – აღნიშნა Halsey-მ ინსტაგრამზე გამოქვეყნებულ პოსტში. არტისტმა მოდის სახლ Pressiat-ის შოუში მიიღო მონაწილეობა. Halsey-იმ სოციალური მედიის მეშვეობით ბრენდის დიზაინერსა და შემოქმედებით გუნდს მადლობა გადაუხადა და აღნიშნა, რომ კოლექცია განსაკუთრებულად მოეწონა. „მადლობა ასეთი არაჩვეულებრივი კოლექციისა და შოუსათვის“ – წერია პოსტის აღწერაში.
გამოქვეყნებულ ფოტოში მომღერალს ფრანგული ბრენდის ახალი კოლექციიდან ცხოველის პრინტით გაფორმებული ასიმეტრიული შავი კაბა აცვია და გამოკვეთილი მაკიაჟით პოზირებს.
გასულ კვირას, მომღერალმა Post Malone-თან დუეტში ჩაწერილი კომპოზიციის – Die 4 Me-ის სოლო ვერსია გამოუშვა. თებერვლის დასაწყისში, Halsey-მ მუსიკალურ კარიერაში კიდევ ერთ მნიშვნელოვან წარმატებას მიაღწია. მისი ჰიტი Without Me „ბრილიანტის სტატუსის“ მფლობელი გახდა. ამ სტატუსს „ამერიკის ხმისჩამწერი ინდუსტრიის ასოციაცია“ კომპოზიციას მაშინ ანიჭებს, როცა შეერთებული შტატების ტერიტორიაზე მუსიკალური ნამუშევრის გაყიდვები და სტრიმები ათ მილიონ ერთეულს მიაღწევს.
ნახეთ პოსტი, რომლითაც Halsey პარიზის მოდის კვირეულზე მონაწილეობას გამოეხმაურა:
