The Weeknd სრულმეტრაჟიან მხატვრულ ფილმში მიიღებს მონაწილეობას. ამის შესახებ მუსიკოსის ოფიციალურმა წარმომადგენელმა Billboard-ს განუცხადა.
Მსახიობის სტატუსით მონაწილეობის გარდა, არტისტი ფილმის ერთ-ერთი პროდიუსერი და სცენარის თანაავტორია. კინოსურათს ოფიციალური სათაური ჯერჯერობით არ აქვს, თუმცა უკვე ცნობილია, რომ მას რეჟისორი ტრეი ედვარდ შულტსი გადაიღებს. The Weeknd-ს პარტნიორობას Netflix-ის ჰიტად ქცეული სერიალის, Wednesday-ის ვარსკვლავი – ჯენა ორტეგა გაუწევს. გადაღებები ამჯერად ლოს ანჯელესში მიმდინარეობს.
ფილმის პროდიუსერები ასევე არიან რეზა ფაჰიმი, კევინ ტურენი და ჰარისონ კრაისი. აღსანიშნავია, რომ რეზა ფაჰიმთან The Weeknd სხვა პროექტის ფარგლებშიც თანამშრომლობს – საუბარია HBO-ს ხმაურიანად დაანონსებულ სერიალზე, სახელწოდებით The Idol, რომლის ერთ-ერთი შემქმნელი სწორედ The Weeknd არის.
