ნაილ ჰორანმა მისი ირლანდიური მემკვიდრეობა წმინდა პატრიკის დღეზე თეთრ სახლში ჩაიტანა. მომღერალმა ინსტაგრამზე ჯო ბაიდენთან ერთად გადაღებული ვიდეო გააზიარა.
ვიდეოში ჰორანი გამომწერებს დღესასწაულს ულოცავს, შემდეგ კამერას ჯო ბაიდენისკენ ატრიალებს. Პრეზიდენტი მომღერალს ხელს ჰხვევს და აღნიშნავს, რომ მოხარულია მისი იქ ყოფნით.
„წმინდა პატრიკის დღეს მარტო ვერ აღვნიშნავდი,” – დააწერა ჰორანმა ვიდეოს.
ირლანდიელი მომღერლის გამოსვლა თეთრი სახლის პრესცენტრმა წინა დღით დააანონსა. „ვფიქრობ, რომ ბაიდენ-ჰარისის ადმინისტრაციის ყველა მუსიკის მოყვარულის სახელით ვლაპარაკობ, როცა ვამბობ, რომ ერთი სული გვაქვს ვუმასპინძლოთ ნაილ ჰორანს წმინდა პატრიკის დღისადმი მიძღვნილ ღონისძიებაზე თეთრ სახლში.”
Ჰორანმა ეს პოსტი გააზიარა და დააწერა: „პატივია ასეთ ღონისძიებაზე მიწვევა და ჩემი ქვეყნის წარდგენა. ველოდები ხვალინდელ დღესა და ღონისძიებას თეთრ სახლში.”
It’s an honour to be invited and represent my country. Looking forward to performing and celebrating St. Patrick’s Day at the White House tomorrow 🇮🇪☘️🇺🇸 https://t.co/iGODUCH4f2
— Niall Horan (@NiallOfficial) March 16, 2023
9 ივნისს ნაილ ჰორანის მესამე სოლო ალბომი The Show გამოვა. „ეს ალბომი არის ნამუშევარი, რომლითაც ძალიან ვამაყობ და უკვე დროა, რომ ის თქვენ გადმოგცეთ,” – დაწერა მომღერალმა ინსტაგრამზე.
