NBC-ზე სერიალის პრემიერიდან ათ წელის შემდეგ, Smash-ს საბოლოოდ ბროდვეის სცენაზე გადაიტანენ.
Hollywood Reporter-ის ცნობით Smash-ის სასცენო ვერსიას ბროდვეის ლეგენდა სიუზან სტრომენი წარადგენს. გარდა ორიგინალური მუსიკისა, როგორიცაა Let Me Be Your Star და Don’t Forget Me, სასცენო ვერსიაში ახალი მუსიკალური ნაწარმოებებიც შევა.
2012-13 წლებში სერიალ Smash-ის მხოლოდ ორი სეზონი გავიდა. Მაში მონაწილეობდნენ: დებრა მესინგი, ანჯელიკა ჰიუსტონი, კრისტიან ბორლი, ბრაიანდ დარსი ჯეიმის, ჯერემი ჯორდანი, კრისტა როდრიგესი, ლესლი ოდომ ჯუნიორი. ენდი მიენტუსი და უილ ჩეიზი სტივენ სპილბერგთან ერთად სერიალის აღმასრულებელი პროდიუსერები იყვნენ.
„Smash ჩემთვის ძალიან ძვირფასია, მუდამ მქონდა იმედი, რომ შოუს შთაგონებით, მიუზიკლი სცენაზე აუცილებლად დაიდგმებოდა. ჩვენ საოცარი გუნდი გვყავს და მოუთმენლად ველით Smash-ის მოგზაურობის დასასრულს, რომელიც ათ წელზე მეტი ხნის წინ ჩემს პროდიუსერ-პარტნიორებთან ერთად დაიწყო.“ – თქვა სტივენ სპილბერგმა სერიალის ბროდვეიზე გატანის შესახებ.
2015 წელს Smash-ის მსახიობები ერთი ღამით, მინსკოფის თეატრში Bombshell-ის სპეციალური დადგმისთვის გაერთიანდნენ, მოგვიანებით კი 2020 წლის მაისში პანდემიის პერიოდში პირდაპირ ეთერში კონცერტი გამართეს.
