ბენ აფლეკის ახალი ფილმის Air-ის პრემიერაზე მსახიობმა მეუღლე, ჯენიფერ ლოპესი კომპლიმენტებით აავსო.
მისი სარეჟისორო ნამუშევრის წარდგენისას, რომელიც „ნაიკისა” და ლეგენდარული კალათბურთელის მაიკლ ჯორდანის ცნობილ პარტნიორობის ამბავზეა, აფლეკმა მადლობა გადაუხადა იმ მნიშვნელოვან ადამიანებს, რომლებმაც ფილმის შექმნაში წვლილი შეიტანეს. ერთ-ერთი ასეთი კი, მსახიობის თქმით, მისი მეუღლეა.
„მინდა ვთქვა, რომ არაფერი იქნებოდა შესაძლებელი – არც ეს კომპანია, არც ფილმი, არც დღევანდელი ზეიმი – ჩემი მეუღლის სიყვარულისა და მხარდაჭერის გარეშე,” – აღნიშნა აფლეკმა, რომელიც თავადვე თამაშობს ფილმში „ნაიკის” დამფუძნებლის ფილ ნაიტის როლს. „მინდა, მადლობა გადაგიხადო. ჩემთვის მთელი სამყარო ხარ – საოცარი და მშვენიერი, კარგი, კეთილი. ძალიან მიყვარხარ.”
ჯენიფერ ლოპესმა ინსტაგრამზე პრემიერიდან ვიდეო გამოაქვეყნა, სადაც ბენ აფლეკთან ერთად წითელ ხალიჩაზე პოზირებს. ვიდეოში ჩანს აფლეკის პარტნიორი და დიდი ხნის მეგობარი მეტ დეიმონიც.
