რეჟისორმა, რომელმაც 2013 წელს ბრიტნი სპირსზე დოკუმენტური ფილმი გადაიღო, უარყო საზოგადოდ დამკვიდრებულ აზრი მომღერლის პიროვნების შესახებ და მის რეალურ სახეზე ისაუბრა.
ფენტონ ბეილიმ გაამხილა ის, თუ რა დაინახა ბრიტნი სპირსში მასთან ერთად მუშაობისას. „იგი ისეთი არ არის, როგორიც მისი სიმღერებიდან გამომდინარე გვგონია. მაგალითად, Oops!…I Did It Again ან [I’m a] Slave 4 U. კი, სცენაზე ასეთია, მაგრამ რეალურ ცხოვრებაში ის ძალიან მორცხვი და ინტროვერტია. თავადაც სულ ამას იმეორებდა: „მე ერთი ჩვეულებრივი მოსაწყენი ადამიანი ვარ.”
რეჟისორმა ყურადღება გაამახვილა მეურვეობაზეც, რომლის ქვეშაც ბრიტნი იყო, როცა ისინი ერთად მუშაობდნენ. „არ მგონია, რომ მაშინ, როცა ამ ფილმს ვაკეთებდით, ის იძულებული იყო საკუთარი სურვილის წინააღმდეგ წასულიყო. ეს არ მიგრძნია. მე ისეთი შთაბეჭდილება მქონდა, რომ მისი მენეჯერი ლარი რუდოლფი, ადამ ლებერი და ბრიტნის მამა ასევე მის მხარეს იყვნენ და ასეთი მუშაობა ნამდვილად სასიკეთო იყო მისთვის.”
2021 წელს მეურვეობისგან განთავისუფლების შემდეგ ბრიტნი სპირსი მისი დიდი ხნის სიყვარულზე – სემ ასგარიზე დაქორწინდა. მომღერალმა ასევე გამოუშვა ბილბორდის „ცხელი ასეულის” ტოპ 10-ში შემავალი ჰიტი Hold Me Closer, რომელსაც ელტონ ჯონთან ერთად ასრულებს.
ნახეთ ფენტონ ბეილის ვიდეო ბრიტნი სპირსის შესახებ
