SALIO-მ ახალი ალბომი  – Mountain წარადგინა

ალბომის ორი ტრეკი – Colors და Special ნიუ ორლეანში, Esplanade Studios-ში ჩაიწერა.

რამდენიმე თვის წინ Billboard-თან ინტერვიუში,  SALIO-მ ახალ გეგმებზე ისაუბრა, რომელიც ამერიკას და ახალ მუსიკაზე მუშაობას უკავშირდებოდა. ამჯერად არტისტმა ოფიციალურად წარადგინა ახალი ალბომი სახელწოდებით Mountain, რომელიც  ხუთ ტრეკს აერთიანებს.

SALIO:

მუსიკა დაახლოებით 2020 წელს, ჩემთვის ყველაზე ჯადოსნურ Tbilisi Open air-ის ტერიტორიაზე დაიწერა. მინდორში პატარა სტუდია გვქონდა სადაც სივრცე და სიმწვანე მშვიდ შემოქმედებით გარემოს ქმნიდა. სიმღერა Mountain ნეპალის და ტიბეტის საზღვარზე მდებარე ულამაზეს ადგილას – ნილეზე დავწერე.  ნეპალის მთებში დაახლოებით შვიდი დღე ვიარე, რომ ეს ადგილი მენახა. იქ ქალებს დღემდე ტრადიციული ჭრელი ულამაზესი ტანსაცმელი აცვიათ და მათ ღიმილში გულწრფელი ენერგიაა. იქ მცხოვრები ადამიანები არ კლავენ ცხოველებს და დღემდე შორს არიან ტექნოლოგიისგან.“  

ალბომში შემავალი ორი ტრეკი – Colors და Special  ნიუ ორლეანში, Esplanade Studios-ში ჩაიწერა. ქართველი ხმის რეჟისორი მიშა კაჭკაჭიშვილის ხელშეწყობით SALIO-მ ამერიკულ გოსპელ გუნდთან და მათ ხელმძღვანელ კრეიგ ადამსთან ერთად იმუშავა. მუსიკალურმა კოლექტივმა 2022 წელს Grammy-ის ჯილდო მიიღეს Jon Batiste სიმღერით  – We Are.

 „სიმღერის ჩაწერის პროცესი ძალიან საინტერესო იყო რადგან ყველა მეგობრულად იყო განწყობილი ჩემ მიმართ და თავს სახლში ვგრძნობდი.“ – აღნიშნავს SALIO 

ამჟამად SALIO, ექსპერიმენტული პროექტის ფარგლებში, ახალი მუსიკალური ნამუშევრების შექმნას აგრძელებს. 58 Track Challenge – ასე ჰქვია პროექტს, რომლის კონცეფციაც ყოველ დღე მუსიკისა და ტექსტის დაწერას გულისხმობს. როგორც არტისტი აღნიშნავს, ეს  საკმაოდ საინტერესო და ამავდროულად რთული პროცესია. 

მოუსმინეთ SALIO-ს ალბომს, სახელწოდებით Mountain:

Share
Tweet
Share
Share
Share

წინა სტატია

ბრიტნი სპირსზე გადაღებული დოკუმენტური ფილმის რეჟისორი ამბობს, რომ ვარსკვლავი რეალურ ცხოვრებაში მორცხვი და ინტროვერტია

შემდეგი სტატია

ტეილორ სვიფტი და ჯო ალვინი დაშორდნენ

შეიძლება დაგაინტერესოთ

გარდაიცვალა დადა დადიანი

დადა დადიანი, ქართული ალტერნატიული მუსიკის ერთ-ერთი პიონერი, 59 წლის ასაკში გარდაიცვალა.  ქართულ მუსიკალურ სცენაზე დადა დადიანი 80-იან წლებში…
მეტი
ჯეიმს მაკარტნი და ზაკ სტარკი, 2016 წლის 5 სექტემბერი, ლონდონი. ფოტო: დევიდ ბენეტი Getty Images

ჯონ ლენონის, პოლ მაკარტნის და რინგო სტარის ვაჟები ერთობლივ სიმღერას გამოსცემენ

ეს პირველი შემთხვევაა, როდესაც შონ ონო ლენონმა, ჯეიმს მაკარტნიმ და ზაკ სტარკიმ საავტორო მუსიკაზე ერთად იმუშავეს
მეტი

ნიკ კეივმა მორისის სიმღერაში ანტივოუკ ტექსტის შესრულებაზე უარი თქვა

„ვცდილობ, პოლიტიკა, კულტურული თუ სხვაგვარი, ჩემი მუსიკისგან გავმიჯნო,” - დაწერა კეივმა საკუთარ ვებგვერდზე.
მეტი

Ultramarine – Bedford Falls ახალ სიმღერას აზიარებს

სიმღერამ გამოსვლისთანავე მოახერხა მსმენელთან ემოციური კავშირის დამყარება და ახალი საზაფხულო პლეილისტის განუყოფელ ნაწილად იქცა.
მეტი