ტეილორ სვიფტი და ჯო ალვინი ერთმანეთს დაშორდნენ. როგორც გამოცემა ET წყაროზე დაყრდნობით წერს, დაშორება მეგობრულად მოხდა და არა დრამატულად.
„ურთიერთობამ უბრალოდ თავისი თავი ამოწურა. ამიტომაც იყო, რომ ალვინი არც ერთ შოუზე აღარ ჩნდებოდა,” – ამბობს წყარო. ბილბორდი კომენტარისთვის სვიფტისა და ალვინის წარმომადგენლებს დაუკავშირდა, თუმცა ჯერჯერობით მათგან პასუხი არ მიუღია.
ტეილორ სვიფტი და ჯო ალვინი ერთმანეთს 2016 წლიდან ხვდებიან. ამ ხნის განმავლობაში წყვილი თავის ურთიერთობაზე არ საუბრობდა.
„ვიცი, რომ ადამიანებს მეტი ინფორმაციის გაგება სურთ,” – ამბობდა ალვინი 2018 წელს ბრიტანულ ვოგთან საუბრისას. „თუმცა მე ნამდვილად მირჩევნია, რომ საქმეზე ვილაპარაკო. ჩვენ წარმატებით მოვახერხეთ პირადი სივრცის დაცვა.”
„მე თუ ამაზე ლაპარაკი დავიწყე, ადამიანები იფიქრებენ, რომ ეს განსახილველი თემაა.” – უთხრა სვიფტმა The Guardian-ს 2019 წელს. „მინდა, რომ ჩემი ცხოვრების მართვა შევძლო.”
ალვინმა პირველი გრემი 2021 წელს მოიგო სვიფტის ალბომის თანაპროდიუსერობისა და კომპოზიტორობისთვის, როცა სვიფტის ალბომმა Folklore წლის ალბომის ნომინაციაში გაიმარჯვა.
