რამდენიმე დღის წინ რეპერმა Diddy-მ ტვიტერზე პოსტი გამოაქვეყნა, რომელშიც წერდა, რომ ჰიტში – I’ll Be Missing You სტინგის სემპლის გამოყენებისათვის, მუსიკოსს დღეში ხუთი ათას დოლარს უხდის. Diddy-ის 1997 წლის ტრეკში ჯგუფ The Police-ის სიმღერის, სახელწოდებით Every Breath You Take მელოდია ჟღერდება.
ახლახან კი რეპერმა ახალი პოსტი გამოაქვეყნა, რომელშიც განაცხადა, რომ ამ პოსტის შინაარსი სინამდვილეს არ შეესაბამება და ეს მხოლოდ ხუმრობა იყო.
„მინდა ყველამ იცოდეთ, რომ ვიხუმრე“ – წერს Diddy ახალ ტვიტში – „მე და სტინგი დიდი ხანია ვმეგობრობთ. იგი Missing You-ს გამო გადასახადს არასდროს დამიწესებდა.“
I want y’all to understand I was joking! It’s called being Facetious! Me and @OfficialSting have been friends for a long time! He never charged me $3K or $5K a day for Missing You. He probably makes more than $5K a day from one of the biggest songs in history.
— LOVE (@Diddy) April 7, 2023
LOVE ❤️😂🙏🏿💫⚡️✨
პირველი პოსტი, რომელიც ხუმრობა აღმოჩნდა, რეპერმა მას შემდეგ გამოაქვეყნა, რაც ინტერნეტში გადაცემა The Breakfast Club-ში სტინგის სტუმრობის ვდიეო გავრცელდა. 2018 წლის ინტერვიუს ფრაგმენტში სტინგი წამყვანის დასმულ კითხვაზე საპასუხოდ ამხელს, რომ Diddy-მ მისი სიმღერის სემპლი უნებართვოდ გამოიყენა და ამის გამო რეპერი ფულს ყოველდღიურად უხდის.
ინტერვიუს ვიდეოს აღწერაში ორი ათასი დოლარია მითითებული. ამის საპასუხოდ, Diddy-მ ტვიტერზე ვიდეო გააზიარა და დააზუსტა, რომ ეს თანხა არა ორი ათასი, არამედ ხუთი ათასია. Diddy-ის პოსტის მიხედვით შეგვიძლია დავასკვნათ, რომ არტისტებს შორის კონფლიქტი არ არის და მათ კარგი ურთიერთობა აქვთ: „მიყვარს ჩემი ძმა“ – წერს Diddy. ამას ადასტურებს თავად 2018 წლის ინტერვიუც – „ჩვენ ახლა კარგი მეგობრები ვართ“ – აღნიშნავს ინტერვიუში სტინგი.
ტრეკი Diddy-მ Notorious B.I.G-ის მიუძღვნა მას შემდეგ, რაც 1997 წელს რეპერი სასიკვდილო ჭრილობით გარდაიცვალა. კომპოზიცია თერთმეტი კვირის განმავლობაში Billboard Hot 100-ის ჩარტების ლიდერი იყო.
Every Breath You Take კი 1983 წელს გამოვიდა. Სიმღერა ჩარტების წამყვან პოზიციას რვა კვირის განმავლობაში იკავებდა.
